Samfélagsmiðlar

Vegabréf er þarfaþing

Við getum ferðast passalaus innan Norðurlandanna og til Schengen svæðisins. Þrátt fyrir það er best að pakka vegabréfinu niður áður en haldið er í hann þó ferðinni sé aðeins heitið til nágrannaríkjanna.

Það eru margir hér á landi sem gleyma að endurnýja vegabréfin sín tímanlega. Síðastliðin júní var til að mynda fjórði hver passi gefinn út í skyndi og vegabréf framlengd rétt fyrir brottför á Keflavíkurflugvelli. Sumir átta sig hins vegar of seint á því að passinn sé útrunninn eða gleyma honum heima og hafa ekki tíma til að snúa við. Það er hægt að komast úr landi passalaus ef ferðinni er heitið til Norðurlandanna eða landa innan Schengen svæðisins. Það er þó alls ekki víst að fólk komist langt án passans því flugfélög geta krafist þess að farþegarnir framvísi vegabréfi sem skilríkjum.

Vegabréf er öruggasti kosturinn

„Við innritun í okkar flug förum við fram á að farþegar sýni gild opinber skilríki með mynd, sem geta verið vegabréf eða ökuskírteini. Þegar flogið er til áfangastaðar utan Schengen er alltaf krafist vegabréfs. Þá er krafa um að börn séu alltaf með vegabréf,“ segir Heimir Már Pétursson, upplýsingafulltrúi Iceland Express aðspurður um hvaða reglur gilda hjá fyrirtækinu varðandi passa.

Guðjón Arngrímsson hjá Icelandair ráðleggur fólki að ferðast ekki án vegabréfs. „Flugrekandi ber ábyrgð á því að ganga úr skugga um að viðkomandi farþegi sé í raun sá sem hann segist vera. Til þess þarf örugg skilríki og þar er vegabréf langbesti kosturinn. Þess vegna ráðleggjum við fólki að ferðast ekki milli landa nema hafa vegabréfið með. Önnur opinber skilríki, þ.e. ökuskírteini og nafnskírteini, geta einnig dugað til þess að ferðast í flugi milli landa á Norðurlöndunum og innan Schengen svæðisins, en vegabréfið er öruggasti kosturinn og án þess getur fólk vissulega lent í vandræðum á ferðalögum sínum.“

Það er því ekki nóg að komast um borð í flugvélina án passa. Þegar kormið er á áfangastað getur fólk lent í vanda án passans því þess er krafist að þeir sem ferðast á Schengen svæðinu hafi gild persónuskilríki meðferðis. Samkvæmt vef utanríkisráðuneytisins eru engin önnur raunveruleg persónuskilríki gefin út hér á landi og ráðuneytið segir því mikilvægt að íslenskir ferðamenn hafi ávallt vegabréf sitt meðferðis.

Af ofantöldu má ráða að það ætti enginn að leggja í ferðalag út fyrir landsteinana án vegabréfs.

TENGDAR GREINAR: Fjórða hvert vegabréf afgreitt í skyndi
NÝJAR GREINAR: Á heimavelli: Kristín í ParísBesti veitingastaður Norðurlanda

Mynd: Þjóðskrá

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …