Samfélagsmiðlar

Lækka verð rétt fyrir vertíð

Iceland Express og WOW air eru í verðstríði. Tilboð fyrirtækjanna hafa ekki í langan tíma verið jafn lág og þau eru í dag. Von er á frekari afsláttum hjá Iceland Express en ólíklega hjá WOW air.

Síðustu tvo mánuði hafa WOW air og Iceland Express keppst um að bjóða tilboð á fargjöldum í sumar. Stundum birtast auglýsingar félaganna sama daginn, verðin eru álíka og áfangastaðirnir oft þeir sömu. Þeir sem hafa bókað þessi tilboð undanfarnar vikur hafa borgað á bilinu tólf til fimmtán þúsund krónur fyrir farið aðra leið. Í dag auglýsa bæði félög farið í sumar til meðal annars Kaupmannahafnar og London á undir tíu þúsund krónur. Sumarið er háannatími í ferðaþjónustunni og því vekur athygli að tilboðsverðin skuli vera svona lág þegar júní er handan við hornið.

Áframhald hjá Iceland Express en ólíklega hjá WOW air

„Við erum með mjög sveigjanlegt verðstýringakerfi og yfirbygging hjá okkur er mjög lítil, þar af leiðandi getum við boðið lægra verð. Við finnum fyrir miklum áhuga erlendis frá á ferðum til Íslands. Hin hefðbundnu sumarfrí erlendis byrja hins vegar ekki fyrr en um miðjan júní og þess nýtur hinn íslenski neytandi í lækkandi verðum þann mánuðinn“, segir Svanhvít Friðriksdóttir, upplýsingafulltrúi WOW air, aðspurð um hvernig félagið geti lækkað verð svona stuttu fyrir sumarið. Hún segir þó frekar ólíklegt að tilboðin verði fleiri í sumar eins og staðan er núna.

„Við höfum verið og ætlum okkur að vera leiðandi í samkeppninni í flugi til og frá Íslandi“, segir Heimir Már Pétursson hjá Iceland Express. „Við erum alltaf með tilboð og munum halda því áfram í sumar. Þetta eru ekki mörg sæti í hverji vél en við viljum leyfa almenningi að njóta þess að við getum boðið svona gott verð“, bætir Heimir við. Hann segist ekki telja að offramboð sé á flugsætum til Kaupmannahafnar og London. „Eftir því sem framboðið eykst, þá fjölgar farþegunum. Við höfum bókað fleiri farþega á þessum flugleiðum í ár en í fyrra“, segir Heimir.

Verðkannanir Túrista hafa sýnt að verðskrár Icelandair og easyJet eru ekki eins lágar og hjá hinum félögunum í sumar. Ódýrasta farið með easyJet til London í júní kostar til að mynda nærri tvöfalt meira en tilboðsverðið hjá WOW air og Iceland Express er í dag.

Fylgstu með Túrista á Facebook

TENGDAR GREINAR: Borgar sig ekki alltaf að bóka með fyrirvara
NÝJAR GREINAR: Netsamband í fyrsta skipti í Íslandsflugi

Mynd: Túristi

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …