Þriðjungur fer ekki út fyrir hótelsvæðið

Þörfin fyrir að kynnast landi og þjóð er ekki sterk hjá stórum hluta breskra ferðamanna.

Fimmti hver Breti snýr skömmustulegur til baka úr utanlandsferðinni. Ástæðan er hversu lítið, eða ekkert, þeir þekkja til svæðisins sem dvalið var á. Þetta kemur fram í könnun sem ferðabókunarsíðan Expedia framkvæmdi. Þar kemur líka fram að þriðji hver Breti fer sjaldan eða aldrei út fyrir hótelið og sundlaugargarðinn þegar þeir eru í fríi í útlöndum. Er þá væntanlega aðeins átt við þá sem fara í sólarlandaferðir því fjórðungur þátttakanda í könnuninni segist nýta hvern dag ferðalagsins til sólbaða við sundlaugarbakkann.

Þjóðverjar líklegastir til að vera allsberir

Þar sem breskir ferðamenn hanga alla jafna við sundlaugar þá hafa fæstir þeirra kynnst nektarströndum eða aðeins tvö prósent. Þetta er lægsta hlutfallið sem mældist en könnun Expedia náði til tuttugu Evrópulanda. Fimmtán prósent Þjóðverja hefur hins vegar legið allsber í sólbaði á erlendri grundu.

NÝJAR GREINAR: Það borgar sig ekki alltaf að bóka með fyrirvara

Mynd: Ric e Etta/Creative Commons

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.