Samfélagsmiðlar

Farið lækkar þegar nær dregur brottför

Hjá þremur af þeim fjórum félögum sem fljúga til London þá lækkar verðið þegar styttist í brottfarardag.

Annan mánuðinn í röð sýna verðkannanir Túrista að fargjöld Iceland Express og WOW air til London lækka þegar nær dregur brottför. Farið til borgarinnar í viku 28 (9-15.júlí) er ódýrara í dag en það var fyrir átta vikum síðan hjá báðum félögum. Það sama var upp á teningnum þegar borin voru saman fargjöld í viku 24 sem bókuð voru með fjögra og tólf vikna fyrirvara.

Iceland Express ódýrast

Verðið hjá Icelandair í fyrri hluta júlí er lægra núna en það var fyrir tveimur mánuðum. Í síðustu könnun hafði farið tvöfaldast í verði þegar nær dróg brottför. Breska lággjaldaflugfélagið easyJet hækkar hins vegar farið hjá sér þegar nær líður skv. síðustu tveimur mælingum. Félagið er mun dýrara en Iceland Express og WOW air í júlí.

Langódýrasta farið til London í viku 28 er með Iceland Express. Kostar það 29.800 krónur. WOW air rukkar 35.919 krónur en sætin hjá easyJet og Icelandair eru á rúmlega fimmtíu þúsund ef bókað er í dag. Þess ber að geta að verðin voru fundin áður en tilboð Iceland Express til London hófst í hádeginu í dag.

Fargjöld, báðar leiðir, til London í viku 28 (9.-15.júlí) ef bókað með tólf vikna fyrirvara og fjögurra vikna.

LondonBókað í dagBókað 19. apríl
easyJet*52.143 kr.45.894 kr.
Iceland Express29.800 kr.37.400 kr.
Icelandair58.640 kr.62.710 kr.
WOW air35.919 kr.37.544 kr.

Dýrara til Kaupmannahafnar

Af verðum dagsins að dæma þá eru færri laus sæti eftir í vélar félaganna til Kaupmannahafnar en til London í sumar. Iceland Express er ódýrast þegar kemur að flugi til Kaupmannahafnar. Lægsta verðið er 42.558 krónur í viku 28 en það er nokkru hærra en lægsta verðið til London er á sama tíma.

Fargjöld Iceland Express til Köben í dag er átta þúsund krónum hærra en það var fyrir 8 vikum síðan. Icelandair og WOW air hafa líka hækkað fargjöldin hjá sér til Kaupmannahafnar á þessu tímabili eins og sjá má á töflunni hér að neðan.

Fargjöld, báðar leiðir, til Kaupmannahafnar í viku 28 (9.-15.júlí) ef bókað með tólf vikna fyrirvara og fjögurra vikna.

KaupmannahöfnBókað í dagBókað 19. apríl
Iceland Express42.558 kr.34.558 kr.
Icelandair50.530 kr.49.030 kr.
WOW air45.820 kr.45.607 kr.

easyJet aftur dýrara en Iceland Express og WOW

Líkt og áður þá er easyJet dýrara en Iceland Express og WOW air, bæði þegar bókað er með stuttum og löngum fyrirvara. Fargjald félagsins til London í byrjun september er t.a.m. tæpum fjögur þúsund krónum dýrara en hjá Iceland Express eins og sjá má á töflunni á næstu síðu (smellið hér).

Í þessum mánaðarlegu könnunum Túrista eru fundin lægstu fargjöldin, báðar leiðir, til Kaupmannahafnar og London innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Smellið hér fyrir samanburð á verði í júlí og september

Mynd: Visit London

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …