Samfélagsmiðlar

Farið í ágúst ódýrara nú en það var í vor

Sá sem bókaði Kaupmannahafnarreisu ágústmánaðar í vor hefði getað sparað sér 5000 krónur með því að kaupa farið í dag. Lundúnarfarinn myndi líka borga minna í dag en hann gerði í vor.

Um miðjan maí kostaði farmiði til London í viku 32 (6.-12. ágúst) að lágmarki 35.351 krónu. Í dag er hægt að fá far til borgarinnar, á sama tíma, sem er næstum því 3000 krónum lægra. Í báðum tilvikum er um að ræða fargjöld hjá Iceland Express. Félagið er því enn ódýrasti kosturinn fyrir þá sem ætla til London í þessari annarri viku ágústmánaðar. Athygli vekur að easyJet hefur slegið verulega af sínum fargjöldum á þessu tímabili og nemur lækkunin um 17% eins og sjá má á töflunni hér fyrir neðan. Farið með WOW air hefur hins vegar hækkað.

Lægstu fargjöld, báðar leiðir, til London í viku 32 (6.-12. ágúst) ef bókað með tólf vikna fyrirvara og fjögurra vikna.

LondonBókað í dagBókað 18. maí
Breyting
easyJet*47.016 kr.56.676 kr.-17%
Iceland Express32.400 kr.35.351 kr.-8,4%
Icelandair54.990 kr.55.160 kr.-0,3%
WOW air38.999 kr.37.019 kr.+5,4%

Köben ódýrust hjá WOW

Þróun verðlags á fargjöldum til Kaupmannahafnar er ekki sú sama og til London. Í dag er nefnilega hægt að fá farmiða hjá WOW air í viku 32 sem kosta 34.860 krónur. Það er 5000 krónum ódýrara en lægsta verðið félagsins var þann 18. maí þegar Túristi kannaði síðast verðlagið í annarri viku ágústmánaðar. Bæði Icelandair og Iceland Express hafa hækkað sín verð á þessum tíma.

Lægstu fargjöld, báðar leiðir, til Kaupmannahafnar í viku 32 (6.-12. ágúst) ef bókað með tólf vikna fyrirvara og fjögurra vikna.

KaupmannahöfnBókað í dagBókað 18. maí
Breyting
Iceland Express43.507 kr.40.400 kr.+7,7%
Icelandair46.850 kr.43.150 kr.+8,6%
WOW air34.860 kr.39.820 kr.-12,5%

Lítill munur á Iceland Express og WOW haust

Ef ferðinni er heitið í London í byrjun október þá kostar farið tæpar þrjátíu þúsund krónur í dag með Iceland Express og WOW air. Bæði fyrirtæki eru aðeins dýrari þegar kemur að flugi til Kaupmannahafnar. Áfram er það Iceland Express sem er ódýrara en WOW air. Icelandair er dýrasti kosturinn í báðum tilvikum eins og sjá má á töflunni á næstu síðu (smellið hér).

Í þessum mánaðarlegu könnunum Túrista eru fundin lægstu fargjöldin, báðar leiðir, til Kaupmannahafnar og London innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Smellið hér fyrir samanburð á verði í ágúst og október

Mynd: Wonderful Copenhagen

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …