Samfélagsmiðlar

Ferðast um lengsta fljót Danmerkur

Það er hægt að gera miðhluta Jótlands góð skil með því að sigla niður fljótið Guðn.

Tilhugsunin um að láta sig berast með hægum straumnum niður fallega á er vafalítið lokkandi í hugum margra. Sá sem ferðast niður lengsta fljót Danmerkur, Gudenåen eða Guðn, kynnist landi frænda okkar á annan hátt en þeir sem bruna í bíl eða lest.

Flatneskjan í Danmörku er öllum kunn. Það þarf því ekki að koma á óvart að það er alla jafna gott í „sjóinn“ á Gudenåen. Kajakar og kanóar eru því vinsæl farartæki meðal þeirra sem spreyta sig á fljótinu sem nær tæpa 160 kílómetra frá Tørring að Randersfirði. Á leiðinni er fjöldi stórra og smárra bæja þar sem hægt er að gista á tjaldstæðum, gistihúsum og hótelum. Bátafólkið getur líka reglulega tekið gert hlé á róðrinum, stigið á land við huggulega sveitakrá og fengið sér verðskuldaðan frúkost. Það er þó ekki skilyrði að sigla fyrir eigin afli því á Gudenåen eru ferjur, minni vélbátar og skútur einnig á ferð.

Vatnið setur sterkan svip á Silkeborg, fjörtíu þúsund manna bæ, sem liggur á nánast við mitt fljótið. Þaðan er vinsælt að byrja og enda ferðalagið enda þykja dagsleiðirnar á þessu svæði bjóða upp á mikla fjölbreytni. Ekki skemmir heldur fyrir að Silkeborg er huggulegur bær og á fallegum sumardegi er ekki annað hægt en að laðast að vatninu og lífinu í kringum bátana sem þar liggja við bryggju.

Á heimasíðu bátaleigu bæjarins er finna hugmyndir að túrum sem taka frá einum tíma og upp í 10 daga. Það er því allt í boði fyrir þá sem vilja spreyta sig á lengsta fljóti Danmerkur.

Nánari upplýsingar um Gudenåen er að finna á síðu ferðamálaráðs Dana.

TENGDAR GREINAR: Besti veitingastaður NorðurlandaTjaldferð til Jótlands

 

Myndir: Denmark Media Center

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …