Samfélagsmiðlar

Óþarfa eftirlit á Keflavíkurflugvelli?

Ítarleg leit í skóm allra farþega á Keflavíkurflugvelli er séríslenskt úrræði sem Bandaríkjamenn hafa ekkert með að gera. Öfugt við það sem flugmálayfirvöld hér á landi hafa látið í veðri vaka.

Það er leit að þeirri flugstöð á Vesturlöndum þar sem skór allra farþega eru skimaðir líkt og gert er á Keflavíkurflugvelli. Á stærstu flugvöllum Evrópu og í Skandinavíu þurfa farþegar sjaldan eða aldrei úr skóm við vopnaleit. Í Bandaríkjunum eru börn yngri en 12 ára ekki heldur rekin úr skóm. Þar í landi er nú gerðar tilraunir með að leyfa farþegum sem eru 75 ára og eldri að vera í skóm og léttum jakka þegar gengið er í gegnum skanna.

Hér á landi eru þessu þveröfugt farið og allir farþegar þurfa úr skóm. Túristi hefur fjallað reglulega um þetta óvenjulega eftirlit hér á landi og fengið þau svör frá Isavia og Flugmálastjórn að ástæðan fyrir þessu séu m.a. þær kvaðir sem Flugöryggisstofnun Bandaríkjanna setur á flugfélög sem þangað fljúga.

Stór hluti farþega Icelandair óskoðaður

Í dag eru það aðeins Icelandair og Delta sem fljúga frá Keflavík til Bandaríkjanna. Talskona Delta segir, í samtali við Túrista, að félagið fylgi þeim reglum sem gilda á hverjum stað og geri ekki kröfu um að skór allra farþega séu skimaðir. Forsvarsmenn Icelandair vilja hins vegar ekki gefa upp hvaða kröfur bandarísk yfirvöld setja þeim. Það má hins vegar fullyrða að Bandaríkjamenn skylda félagið ekki til að skanna skó allra farþega. Því ef svo væri yrðu skór farþega, sem aðeins millilenda í Keflavík á leið frá Evrópu til Bandaríkjanna, skannaðir. Það er ekki gert. Þess vegna fara flestir, ef ekki allir, farþegar félagsins sem eingöngu millilenda hér á leið til Bandaríkjanna um borð í vélar Icelandair án þess að skór þeirra hafi verið skannaðir. Aðeins þeir sem hefja ferðalagið í Leifsstöð þurfa að gangast undir hina séríslensku skoðun á skóbúnaði.

Íþyngjandi eftirlit

Þegar farið er í gegnum öryggisleit á flugvöllum þurfa farþegar að tæma vasa, taka af sér belti, setja vökva í poka og taka tölvur og raftæki upp úr töskum. Að reka alla úr skóm í þokkabót hlýtur að tefja afgreiðsluna í öryggishliðinu á Keflavíkurflugvelli. Það tekur nefnilega tíma að losa reimar og fara úr skóma. Sérstaklega fyrir börn og þá sem eldri eru.

Meginþorri fólks getur því sennilega tekið undir það sem segir í svari Flugmálastjórnar, við fyrirspurn Túrista, að það sé „…mikilvægt að farþegum sé ekki mismunað né íþyngt umfram kröfur.“ Það er hins vegar gert í dag. Því líkt og hér að ofan er rakið þá er það mjög ólíklegt að Bandaríkjamenn geri kröfu um jafn ítarlega leit í skóm farþega og Isavia, rekstraraðili Keflavíkurflugvallar, hefur ákveðið að framkvæma.

Fylgstu með Túrista á Facebook

TENGDAR GREINAR: Gera Bandaríkjamenn strangari kröfur hér á landi?Bandaríkjamenn slaka á eftirliti en Íslendingar ekki

Mynd: Wikicommons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …