Samfélagsmiðlar

Rukka fyrir handfarangur

Hin svokölluðu lággjaldaflugfélög standa ekki alltaf undir nafni. Sum þeirra eru nefnilega ófeimin við að bæta alls kyns aukagjöldum við farmiðaverðið. Nú ætlar eitt þeirra að rukka farþegana fyrir þann handfarangur sem ekki kemst undir sætin.

Það eru margir sem ferðast aðeins með töskur sem komast upp í farangurshólfin í farþegarýminu. Þannig kemst fólk hjá því að eyða tíma við farangursbeltin. Þeir sem fljúga með félögum sem rukka sérstaklega fyrir innritaðan farangur geta líka sparað sér töluverðar fjárhæðir með þessu móti.

Nú ætlar hins vegar ungverska flugfélagið Wizz Air að takmarka stærð þess handfarangurs sem taka má gjaldfrjálst með um borð. Farþegar félagsins þurfa þá að borga aukalega 10 evrur (um 1580 krónur) fyrir töskur sem ekki komast undir sætið fyrir framan. Hefðbundnar handfarangurstöskur sleppa því ekki um borð hjá Wizz air nema borgað sé undir þær sérstaklega.

Haft er eftir breskum ferðamálafrömuði í Daily Mail að honum þyki þessi nýja gjaldtaka slæmar fréttir. Því nái þessi nýjung útbreiðslu þurfi fólk að ferðast með næstum því engan farangur ef það ætlar að komast hjá farangursgjöldum félaganna sem kenna sig við lág gjöld.

Fylgstu með Túrista á Facebook

TENGDAR GREINAR: Yfirvigt álíka dýr og fargjaldið

Mynd: geishaboy500/Creative Common

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …