Tvær af þremur á vegum Icelandair

Farþegaþotur hófu sig á loft tæplega tólf hundruð sinnum frá Keflavíkurflugvelli í júní. Langflestar voru merktar Icelandair.

Þeim hefur fjölgað erlendu flugfélögunum sem sjá sér hag í að fljúga til Íslands. Vægi þessara félaga er hins vegar lítið þegar horft er til allra brottfara á Keflavíkurflugvelli í júnímánuði. Flest eru þau með í kringum eitt til tvö prósent af heildinni samkvæmt talningu Túrista. Icelandair ber höfuð og herðar yfir aðra því tæplega sjötíu prósent af ferðum frá landinu voru á vegum þess.

Iceland Express er annað umsvifamesta fyrirtækið í millilandaflugi með níu prósent hlutdeild og WOW air er í þriðja sæti. Airberlin og SAS eru stærstu erlendu félögin eins og sjá má á töflunni hér að neðan.

Vægi þeirra 5 stærstu á Keflavíkurflugvelli í júní

  1. Icelandair – 68,5%
  2. Iceland Express – 9%
  3. WOW air – 6%
  4. Airberlin – 3,5%
  5. SAS – 3%

 

NÝJAR GREINAR: Á heimavelli: Björgvin Ingi í Chicago
TENGDAR GREINAR: Norwegian flýgur hingað í vetur

Mynd: Icelandair