Samfélagsmiðlar

Fargjöld Iceland Express hækka

Við getum ekki lengur búist við að verð á farmiðum til útlanda lækki eftir því sem nær dregur brottför. Iceland Express hækkaði fargjöld sín til London um fimmtung eftir fréttir af samdrætti WOW air.

Mánaðarlegar verðkannanir Túrista hafa sýnt að fargjöld Iceland Express og WOW air til London og Kaupmannahafnar hafa lækkað þegar nær dregur brottför í sumar. Tilboð félaganna hafa líka verið mjög áberandi síðustu mánuði. En nú virðist verðstríðinu lokið.

Í gær sagði Túristi frá samdrætti hjá WOW air. Í kjölfarið hafa verðin hækkað hjá Iceland Express samkvæmt könnunum síðunnar sem gerðar voru í gær og í dag. Samanburður á niðurstöðum þessara tveggja verðkannana leiðir í ljós að fargjöld Iceland Express, til London um mánaðarmótin október-nóvember, hækkuðu um 7000 krónur á síðastliðnum sólarhring. Hækkunin nemur rúmum fimmtungi. Verð félagsins til Kaupmannahafnar, á sama tíma, hækkuðu um rúm 6 prósent frá því í gær. Verðskrá Icelandair stóð í stað. Munurinn á verðum þessara tveggja félaga er því minni nú en hann hefur verið í sumar samkvæmt athugunum síðunnar.

easy Jet nú ódýrast

Dregið hefur úr bókunum Íslendinga hjá easyJet eins og fram kom hér í síðustu viku. Félagið hefur alla jafna verið mun dýrari kostur en Iceland Express og WOW air samkvæmt verðkönnununum. Nú er staðan hins vegar önnur því farið með easyJet í viku 36 (3.-9.sept) og viku 44 (29.okt-4.nóv) er það ódýrasta á markaðnum. Kostar farmiðinn í byrjun september 31.077 krónur hjá easyJet, tæpar 32 þúsund hjá WOW air, 39.400 hjá Iceland Express og farið hjá Icelandair er á 42.760 krónur. Sjá töflu á næstu síðu.

Rúm 40 prósent hækkun

Í könnunum Túrista í júní og júlí kom í ljós að fargjöld Iceland Express og WOW air voru alla jafna lægri ef bókað var fjórum vikum fyrir brottför en ef pantað var með 12 vikna fyrirvara. Sá sem bókaði seinna sparaði sér allt að fimmtung af því verði sem var í boði átta vikum fyrr. Nú hafa orðið breytingar á. Farþegi sem bókaði 12. júlí far með Iceland Express til London í byrjun september (viku 36) greiddi 27.928 krónur. Í dag kostar farið 39.400 krónur. Verðmunurinn er 41% eins og sést á töflunni hér fyrir neðan. WOW air hefur líka hækkað sitt verð og nemur hækkunin tæpum sjö prósentum. Fargjöld easyJet og Icelandair lækkuðu hins vegar. Tekið skal fram að verð í könnunum Túrista eru hefðbundin verð, ekki tilboðsverð.

Lægstu fargjöld, báðar leiðir, til London í viku 36 (3.-9. september) ef bókað með tólf vikna fyrirvara og fjögurra vikna.

LondonBókað í dagBókað 12.júní
Breyting
easyJet*31.077 kr.31.962 kr.-2,8%
Iceland Express39.400 kr.27.928 kr.+41%
Icelandair42.760 kr.43.240 kr.-1,1%
WOW air31.939 kr.29.939 kr.+6,7%

Dregur saman með Icelandair og Iceland Express

WOW air hefur ákveðið að hætta flugi til Kaupmannahafnar eftir miðjan september. Fram að þeim tíma eru aðeins tvö flug í viku og kostar farið í viku 36 töluvert meira hjá þeim en Icelandair og Iceland Express. Munurinn á fargjöldum síðarnefndu félaganna í viku 36 var töluverður í verðkönnun 12. júní. Þá munaði tæpum tíu þúsund krónum á ódýrustu farmiðunum, báðar leiðir, til Kaupmannahafnar. Í dag er munurinn rúmar þrjú þúsund krónur. Verð Iceland Express hefur hækkað um fimmtung en örlítil lækkun hefur átt sér stað hjá Icelandair.

Lægstu fargjöld, báðar leiðir, til Kaupmannahafnar í viku 36 (3.-9. september) ef bókað með tólf vikna fyrirvara og fjögurra vikna.

KaupmannahöfnBókað í dagBókað 12. júní
Breyting
Iceland Express35.500 kr.29.441 kr.+20,6%
Icelandair38.830 kr.39.130 kr.-0,8%
WOW air47.820 kr.37.820 kr.+26,4%

Í þessum mánaðarlegu könnunum Túrista eru fundin lægstu fargjöldin, báðar leiðir, til Kaupmannahafnar og London innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Smellið hér fyrir samanburð á verði í september og mánaðarmótin október-nóvember

TILBOÐ Á GISTINGU: 5% afsláttur á ódýru hótel í Kaupmannahöfn

Mynd: Visit London

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …