Brottfarir Icelandair voru langoftast á réttum tíma síðastliðin hálfan mánuð og tafirnar voru að jafnaði aðeins tvær mínútur. Iceland Express stóð sig líka vel á tímabilinu.
Síðustu tvær vikur hafa vélar Icelandair hafið sig til flugs frá Keflavík að jafnaði nærri þrjátíu sinnum á dag. Í 94 prósent tilvika hafa vélarnar farið á réttu tíma. Hjá Iceland Express voru brottfarir um fimm á dag og voru 91% á áætlun. Stundvísi WOW air var aðeins lakari en ferðir félagsins voru um þrjár á dag.
Hlutfall koma sem stóðust áætlun var lægra hjá öllum félögunum þremur. Í heildina voru því níu af tíu ferðum Icelandair og Iceland Express á réttum tíma og 79 prósent hjá WOW air. Tafir hjá því síðarnefnda voru 24 mínútur að jafnaði. Meðalseinkun á ferðum Icelandair, til og frá landinu, voru hins vegar aðeins 2 mínútur eins og sjá má á töflunni hér að neðan.
Stundvísitölur Túrista, 1. til 15. ágúst (í sviga eru niðurstöður seinni hluta júlí).
1. – 15. ágúst. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalbið alls |
| Icelandair | 94% (84%) | 2 mín (11 mín) | 87% (80%) | 3 mín (10 mín) | 90% (82%) | 2 mín (10 mín) |
| Iceland Express | 91% (94%) | 8 mín (2 mín) | 89% (88%) | 14 mín (2 mín) | 90% (91%) | 11 mín (2 mín) |
| WOW air | 86% (77%) | 17 mín (33 mín) | 71% (85%) | 32 min (6 mín) | 79% (81%) | 24 mín (19 mín) |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
NÝJAR GREINAR: Fáir í rússibana í rigningu
TILBOÐ: 5% afsláttur á ódýru hóteli í Köben og á hótelíbúðum í Berlín
Mynd: Gilderic/Creative Commons
