Samfélagsmiðlar

Berlínarflugvelli seinkar enn og aftur

Ferðamenn í Berlín verða áfram að sætta sig við að fara um hina slitnu Schönefeld-flugstöð því þýska brunavarnaeftirlitið er ekki til í að gefa þeirri nýju samþykki sitt.

Í byrjun júní átti að taka í notkun nýjan flugvöll í Berlín. Opnuninni var hins vegar frestað til vorsins fyrst um sinn en nú hafa forsvarsmenn vallarins gefið út að 27. október á næsti ári verði dagurinn sem allt fer í gang á Berlin-Brandenburg flugvellinum. Brösuleg byrjun vallarins þykir mikill áfellisdómur fyrir þýsku verkfræðingastéttina sem hefur verið þekkt fyrir áreiðanleika víða um heim.

Ein helsta ástæðan fyrir því að ekki hefur tekist að reka smiðshöggið á Berlin-Brandenburg er sú að eldvarnir bygginganna hafa ekki staðist skoðun. Samkvæmt fréttum þá mun töfin nú kosta aukalega um 150 milljarða íslenskra króna og það liggur víst ekki fyrir hver muni taka þann skell á sig. Borgaryfirvöld og þýska ríkisstjórnin deila um það.

Allir eiga að lenda á sama stað

Nýi völlurinn á að leysa af hólmi Tegel flugstöðina í norðvesturhluta borgarinnar og Schönefeld í suðausturhorninu. Mun hann standa við hlið þess síðarnefnda og notast við sömu flugbrautir. Vegna framkvæmdanna hefur ekki miklu fé verið varið í viðhald á gömlu flugstöðvunum eins og þeir þekkja sem farið hafa til Berlínar undanfarið. Schönefeld er til að mynda farin að láta verulega á sjá og öll aðstaða er þar frekar bágborin.

Íslendingar fjölmenna til Berlínar

Búist er við að þrjátíu milljón farþegar muni árlega fara um hinn nýja Berlínarflugvöll þegar hann opnar. Íslenskir túristar verða þar fjölmargir því á síðasta ári fjölgaði gistinóttum Íslendinga í borginni um rúmlega fjörtíu af hundraði og hátt í tíu þúsund farþegar flugu frá Keflavík til Berlínar á síðasta ári. Það var aukning um nærri tvo þriðju.

Yfir sumarið fljúga Airberlin, Iceland Express, Lufthansa og WOW air milli Keflavíkur og Berlínar. Það síðastnefna flýgur til borgarinnar allt árið.

Smelltu hér til að skoða tölvuteikningar af nýja flugvellinum

TILBOÐ: 5% afsláttur á gistingu í Berlín
TENGDAR GREINAR: Miklu fleiri Íslendingar til Berlínar

Teikningar: Björn Rolle/Berlin Airport

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …