Nærri því allar brottfarir Icelandair, Iceland Express og WOW air frá Keflavík voru á réttum tíma seinni hluta ágústmánaðar. Komutímar stóðust sjaldnar.
Um það bil ein af hverjum fjórum heimferðum íslensku félaganna þriggja seinkaði á seinni hluti ágústmánaðar. Tafirnar voru þó ekki langar í mínútum talið eins og sjá má í töflunni hér fyrir neðan.
Ferðir frá landinu stóðust hins vegar nær alltaf áætlun. Hjá WOW air fóru t.a.m. allar ferðir á tíma.
Þrettán sinnum fleiri ferðir Icelandair
Á fyrri hluta mánaðarins flaug Icelandair daglega um fimmtíu sinnum til og frá landinu. Iceland Express fór sex ferðir á dag fyrstu tvær vikur september og WOW air um fjórar.
Stundvísitölur Túrista, 1. til 15. september (í sviga eru niðurstöður seinni hluta ágúst).
1. – 15. september. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalbið alls |
| Icelandair | 92% (86%) | 1 mín (5 mín) | 75% (83%) | 4 mín (4 mín) | 84% (83%) | 3 mín (4 mín) |
| Iceland Express | 98% (98%) | 0 mín (0 mín) | 78% (99%) | 3 mín (0 mín) | 88% (99%) | 2 mín (0 mín) |
| WOW air | 100% (91%) | 0 mín (2 mín) | 70% (81%) | 5 min (10 mín) | 85% (86%) | 2 mín (6 mín) |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
TILBOÐ: 5% afsláttur á ódýru hóteli í Köben og á hótelíbúðum í Berlín
Mynd: Gilderic/Creative Commons
