Samfélagsmiðlar

Fargjöld hækka hjá öllum félögum

Það borgar sig að bóka farið út með fyrirvara því það hækkar í verði þegar nær líður brottför samkvæmt nýjustu verðkönnun Túrista. Fargjöld um jól og áramót eru há.

Farmiði hjá easyJet til London eftir fjórar vikur kostar fjórðungi meira í dag en hann gerði byrjun ágúst. Þetta er hlutfallslega meiri hækkun en hefur orðið hjá Iceland Express og Icelandair á sama tíma. Í ágúst var farið í viku 44 (29.okt-4.nóv) ódýrast hjá breska félaginu en nú er það Iceland Express sem býður best. Verð easyJet eru í evrum og því hafa breytingar á gengi áhrif á verð félagsins í krónum talið.

Þar sem WOW air flýgur ekki fram og tilbaka til London innan sömu viku er félagið ekki með í verðkönnun Túrista að þessu sinni. Líkt og áður er aukagjöldum fyrir innritaðan farangur bætt við fargjöldin í samanburðinum hér að neðan. Farangursgjald easy Jet er um 3500 krónur (22evrur) fyrir hvern fluglegg.

Lægstu fargjöld, báðar leiðir, til London í viku 44 (29. okt-4.nóv) ef bókað með tólf vikna fyrirvara og fjögurra vikna.

LondonBókað í dag

Bókað 8. ágú

Breyting
easyJet*42.522 kr.33.452 kr.+27%
Iceland Express42.100 kr.39.400 kr.+6.9%
Icelandair47.140 kr.42.760 kr.+10.2%

Bilið milli Iceland Express og Icelandair breikkar

Það munaði rúmum fimm þúsund krónum á ódýrustu fargjöldum Iceland Express og Icelandair til Kaupmannahafnar í viku 44 þegar þau voru könnuð fyrir átta vikum síðan. Nú er munurinn um tólf þúsund krónur eins og sjá má á töflunni hér fyrir neðan.

Lægstu fargjöld, báðar leiðir, til Kaupmannahafnar í viku 44 (29. okt-4.nóv) ef bókað með tólf vikna fyrirvara og fjögurra vikna.

KaupmannahöfnBókað í dagBókað 8. ágúst
Breyting
Iceland Express35.103 kr.33.500 kr.+4.8%
Icelandair46.680 kr.38.830 kr.+20.2%

Jóla- og áramótaverðið

Túristi kannar mánaðarlega verð á flugi til London og Kaupmannahafnar fjórum og tólf vikum fram í tímann. Og þar sem 12 vikur eru til jóla var verð á flugmiðum í kringum hátíðarnar kannað að þessu sinni. Niðurstaðan er sú að fargjöld í síðustu viku ársins eru í hærri kantinum hjá öllum þremur félögum. Iceland Express er ódýrasti kosturinn fyrir þá sem ætla til þessara tveggja borga milli jóla og nýárs eins og sjá má á næstu síðu (smellið hér).

Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar.

Smellið hér fyrir samanburð á verði í viku 52

NÝTT: Vegvísir Berlín

Mynd: Visit London

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …