Samfélagsmiðlar

Óánægja með kjör easyJet í Keflavík

Breska félagið fjölgar áfangastöðum og ferðum héðan til Bretlands. Talsmaður Iceland Express segir að það skekki samkeppnisstöðuna að easyJet fái afslátt af lendingargjöldum Keflavíkurflugvallar.

Í dag tilkynnti easyJet að félagið ætlar að fjölga ferðum sínum héðan til London og hefja flug til Edinborgar og Manchester. Líkt og Túristi benti á í byrjun árs þá fær easyJet felld niður lendingar- og farþegagjöld á Keflavíkurflugvelli í vetur og umstalsverðan afslátt næstu ár. Þessi kjör eru í samræmi við nýlegt kerfi Keflavíkurflugvallar sem á að létta undir með flugrekendum um hríð vegna þeirrar áhættu sem fylgir því að hefja flug á nýjum leiðum eins og segir í svari Isavia við fyrirspurn Túrista.

Isavia lítur á flug til Luton flugvallar, í nágrenni London, sem nýja flugleið en það eru forsvarsmenn Iceland Express ósáttir við. „Í okkar huga er það því alveg á mörkunum að Luton geti talist vera nýr áfangastaður, þar sem hann er bara einn af mörgum flugvöllum sem þjóna London“, segir Heimir Már Pétursson, talsmaður Iceland Express og bendir á að það eru fimm flugvellir á Lundúnarsvæðinu og Luton er einn þeirra. „Myndi það til að mynda teljast nýr áfangastaður ef farið yrði að fljúga á Torp flugvöll suður af Osló í stað Gardemoen, eða Beauvais skammt frá París?, spyr Heimir.

Ólíklega afslættir út á nýju borgirnar

Icelandair flýgur reglulega til Manchester flugvallar og því ætti easyJet ekki að fá afslátt á þeirri flugleið og þar sem Iceland Express hefur flogið til Edinborgar sl. sumur þá uppfyllir sú flugleið heldur ekki skilyrði Isavia fyrir lækkun gjalda. En samkvæmt útreikningum Túrista getur afslátturinn, sem er á bilinu 25 til 100%, numið nokkrum milljónum á mánuði.

Í fréttatilkynningu easyJet kemur fram að félagið sé fyrsta erlenda félagið til að fljúga hingað frá fleiri en tveimur áfangastöðum. Það er ekki rétt því að Airberlin hefur flogið hingað síðustu sumur frá sex borgum.

Fylgstu með Túrista á Facebook

NÝTT: Vegvísir Berlín
LOKAÚTKALL: Sevilla og Madrid á 29.900 kr.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …