Skór 5 prósent farþega skoðaðir á Kastrup

Hingað til hefur skóbúnaður farþega ekki verið skannaður á Kaupmannahafnarflugvelli. Evrópusambandið gerir nú kröfu um að Danir taki upp eftirlit.

Á heimasíðu Kaupmannahafnarflugvallar stendur skýrum stöfum að skór farþega eru ekki skoðaðir þar á bæ. Völlurinn hefur þar nokkra sérstöðu því víðast hvar er handahófskennt eftirlit stundað og hér á Íslandi eru allir látnir fara úr skóm. Frá og með 6. nóvember verða Danir að laga sig að reglum Evrópusambandsins og skanna skó þeirra farþega sem fá öryggishliðin til að pípa.

Talsmaður Kaupmannahafnarflugvallar segir í viðtali við Túrista að hann búist við að aðeins fimm prósent farþega verði látnir fara úr skónum þegar nýju reglurnar öðlast gildi. Hann segir þetta eingöngu gert til að mæta kröfum Evrópusambandsins.

Líkt og Túristi hefur margoft bent á þá er eftirlit með skóm flugfarþega hér á landi óvenju strangt. Meira að segja í Bandaríkjunum hafa yfirvöld slakað á en þar hefur eftirlitið verið mun strangara en í Evrópu. Ögmundur Jónasson, innanríkisráðherra, sagði í sumar að hann ætlaði að fara yfir þessi mál með Flugmálastjórn og Isavia, rekstraraðila Keflavíkurflugvallar og niðurstöðu væri að vænta í haust. Hennar er enn beðið.

TENGDAR GREINAR: Reglur um skó endurskoðaðar í haust

Mynd: Kaupmannahafnarflugvöllur

Bókunarflæðið að jafna sig eftir skjálfta

Undir lok síðasta mánaðar sáu stjórnendur Icelandair sig tilknúna til að vara fjárfesta við neikvæðum áhrifum jarðhræringa á Reykjanesi á bókanir. Í dag hefur ástandið ekki eins mikið að segja því í nýrri tilkynningu er haft eftir Boga Nils Bogasyni, forstjóra Icelandair, að „einhverra áhrifa gæti enn til skemmri tíma á bókanir og tekjur en … Lesa meira

Túristi fær nýtt nafn

Fljótlega breytist Túristi í FF7 – Frásagnir og fréttir alla daga og klæðist nýjum búningi. Áfram verða ferðamál í öndvegi en leitað fanga víðar, birtar frásagnir og fréttir af umsvifum fólks og fyrirtækja – og einfaldlega sagt frá því sem fólk gæti haft gaman af að lesa. Ritstjórar FF7 verða Kristján Sigurjónsson (útgefandi og ábyrgðarmaður) … Lesa meira

Ólífutréð í hlýnandi heimi

Meðan þráttað er um það á COP28 í Dúbæ hvernig draga megi úr notkun jarðefnaeldsneytis á næstu áratugum horfa grískir ólífubændur óttaslegnir á afleiðingar hlýnunar andrúmsloftsins fyrir framleiðslu þeirra. Uppskerubrestur blasir við á þessu ári, eins og víðar í ólífuræktarlöndum.

Ódýrara þotueldsneyti bætir stöðu flugfélaganna

Icelandair og Play borguðu samanlagt 48 milljarða króna fyrir eldsneyti á þotur sínar fyrstu níu mánuði ársins. Verðbreytingar á olíumarkaði hafa því skiljanlega mikil áhrif á reksturinn. Til marks um það vöruðu stjórnendur flugfélaganna fjárfesta við versnandi afkomu í byrjun september þegar verð á þotueldsneyti fór yfir 1000 dollara á tonnið á ný. Skráðu þig … Lesa meira

Skór 5 prósent farþega skoðaðir á Kastrup

Bókunarflæðið að jafna sig eftir skjálfta

Túristi fær nýtt nafn

Grænlendingar auka innheimtu gjalda af skemmtiferðaskipum

Evrópusambandið frestar tolli á rafbíla

Norwegian hægir á en íslensku félögin gefa í

Ólífutréð í hlýnandi heimi

Ódýrara þotueldsneyti bætir stöðu flugfélaganna

Sala á kínverskum Tesla-bílum minnkar