Samfélagsmiðlar

5 ferðir í næstu viku á undir 40 þúsund

Ódýrasta flugið út í næstu viku og heim aftur kostar rúmar tuttugu og þrjú þúsund krónur.

Nú styttist í að jólaundirbúningurinn hefjist af fullum krafti. Þeir sem vilja hlaða batteríin áður en lætin byrja geta brugðið sér ódýrt úr landi í næstu viku. Túristi grúskaði á heimasíðum flugfélaga og ferðaskrifstofa og fann fimm ferðir fyrir þá sem vilja komast burt í hvelli en þó ódýrt.

1. Osló – 23.377 kr.

Þú getur verið á netinu í háloftunum þegar þú situr í hjá norska lággjaldaflugfélaginu Norwegian. Ef flogið er út 29. nóvember og heim aftur þann annan desember kostar farið ekki meira en 23.377 krónur (1090 norskar). Við þetta bætist kreditkortagjald upp á 900 krónur og farangursgjald (sjá hér).

Gisting þessar nætur á Best Western Kampen hótelinu kostar rúmar 36 þúsund. Sjá hér.

2. London – 38.025 kr.

Jólagjafirnar finnast pottþétt í London en svo má líka gert margt annað í stórborginni en að þræða verslanir. Farið með WOW air dagana 28. nóvember til 2. desember kostar 38.025 krónur. Borga þarf aukalega fyrir innritaðan farangur (sjá hér).

Smelltu hér til að finna ódýrstu gistinguna í London.

3. Bergen – 38.050 kr.

Bæjarstæði Björgvinar er ákaflega fallegt og í hinum sjarmerandi húsum Hansakaupmannanna eru í dag skemmtilegar búðir og kaffihús. Farið út á fimmtudaginn í næstu viku og heim 2. desember kostar 38.050 með Icelandair.

Hið fjögurra stjörnu Neptun hótel er býður helmingsafslátt þessa sömu daga, sjá hér.

4. Kaupmannahöfn – 38.760 kr.

Julefrokost og jólamarkaðurinn í Tívolí er meðal þess sem hæst ber í Köben þessar vikurnar. Fljúgðu út á mánudaginn með WOW air og heim á föstudaginn fyrir 38.760 kr. Lesendur Túrista fá frían morgunmat í Kaupmannahöfn þegar þeir panta herbergi á First Hotel Esplanaden (sjá hér). Gisting þessa daga kostar innan við áttatíu þúsund krónur.

Fleiri hótel í Kaupmannahöfn finnur þú hér.

5. Helsinki – 39.610 kr.

Tilhugsunin um finnskt gufubað er ekki svo galin nú þegar kuldinn er farinn að segja til sín. Eftir baðið má svo kaupa múmínálfa og Marimekko í jólagjöf. Icelandair flýgur beint til Helsinki og dagana 30. nóvember til 3. desember kostar sætið 39.610 krónur.

Gistingin kostar 31 þúsund á Hotel Haaga, sjá hér.

NÝJAR GREINAR: Leiðin frá Hvíta húsinu að hamborgarabúllu forsetafrúarinnar

Mynd: Visit London


Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …