Samfélagsmiðlar

Delta festir sig í sessi hér á landi

Þriðja sumarið í röð ætlar bandaríska flugfélagið Delta að fljúga milli New York og Keflavíkur. Félagið fjölgar jafnframt ferðum sínum hingað.

Það þóttu mikil tíðindi þegar Delta Airlines, eitt stærsta flugfélag í heimi, hóf flug til Íslands í júní árið 2010. Félagið hefur haldið uppteknum hætti síðan þá og boðið upp á fimm ferðir á viku til New York á sumrin. Á næsta ári verða ferðirnar sex á viku yfir aðalferðamannatímann en fjórar til fimm vikulega í byrjun júní og í lok ágúst.

Flytja þúsundir Bandaríkjamanna til Íslands

„Reykjavík er að verða mjög vinsæll áfangastaður meðal bandarískra ferðamanna og það liggur beinast við að bjóða þessa þjónustu á þeim tíma sem viðskiptavinir okkar kjósa helst að heimsækja landið – þ.e.a.s. yfir sumarmánuðina,” segir Perry Cantarutti, aðstoðarforstjóri hjá Delta í fréttatilkynningu. „Áætlunarflug Delta eykur valmöguleika farþega sem ferðast á milli Íslands og Bandaríkjanna, auk þess sem það mun flytja þúsundir bandarískra ferðamanna til Íslands næsta sumar, sem kemur til með að hafa jákvæð áhrif á ferðaþjónustu landsmanna,” bætir Cantarutti við.

Netsamband um borð

Hingað til hafa farþegar Delta aðeins geta tengst þráðlausu neti um borð þegar vélarnar eru á flugi yfir Bandaríkjunum. Frá og með næsta ári ætlar félagið að bæta þessa þjónustu og gera þeim kleift sem fljúga með félaginu milli Íslands og Bandaríkjanna að tengjast internetinu allan tímann sem flugferðin stendur yfir. Í dag er það aðeins Norwegian sem býður upp á þannig þjónustu í flugi til og frá Íslandi. Uppsetningu á þráðlausu neti hjá Icelandair á að ljúka næsta haust.

20 ferðir á viku til New York

Icelandair flýgur til New York allt árið um kring og býður upp á tvær ferðir á dag á sumrin. Íslenskir túristar geta því valið úr tuttugu ferðum á viku til heimsborgarinnar næsta sumar. Delta hefur flug hingað 3. júní og síðasta ferðin verður farin 2. september.

NÝJAR GREINAR: Útsala á gistingu næstu tvo mánuðiSkítugustu viðkomustaðir ferðalanga

Mynd: Delta

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …