Af stærstu norrænu flugfélögunum þá varð hlutfall hagnaðar á þriðja ársfjórðungi mestur hjá Icelandair.
Skandinavíska flugfélagið SAS hagnaðist um jafnvirði rúmlega átta milljarða íslenskra króna á þriðja fjórðungi ársins. Þetta koma fram þegar forsvarsmenn félagsins kynntu rekstrarniðurstöður tímabilsins í morgun. Þrátt fyrir aukinn hagnað og veltu þá hafa umfangsmiklar aðhaldsaðgerðir fyrirtækisins fengið alla athyglina enda áformar félagið m.a. að fækka stöðugildum úr fimmtán þúsund niður í níu þúsund, lækka laun og selja eignir.
Leiðakerfi SAS mun ekki taka breytingum að því sem kemur fram í fréttum í dag. Félagið hefur þó hætt við flug til Íslands í sumar frá Stokkhólmi eins og Túristi greindi frá í síðustu viku.
Þegar hagnaður og velta SAS á þriðja ársfjórðungi er borin saman við rekstrarniðurstöður annarra stórra flugfélaga á Norðurlöndum kemur í ljós að Icelandair skilaði hlutfallslega mestum afgangi eftir sumarvertíðina eins og sjá má á tölfunni hér fyrir neðan.
Rekstarniðurstöður þriðja ársfjórðungs í íslenskum krónum
Félag | Velta | Hagnaður | Hlutfall hagnaðar af veltu |
Finnair | 107 milljarðar | 8,3 milljarðar | 7,8% |
Icelandair | 41 milljarður | 6,6 milljarðar | 16,1% |
Norwegian | 95 milljarðar | 14,1 milljarðar | 14,9% |
SAS | 214 milljarðar | 8,3 milljarðar | 3,9% |
Byggt á upplýsingum af heimasíðum félaganna og umreiknað í íslenskar krónur 12.nóv.
Fylgstu með Túrista á Facebook
NÝJAR GREINAR: Fagnaðu áramótunum í útlöndum, ódýrasta farið – Ferðaminningar Dr. Gunna
Mynd: Icelandair