SAS sækir á og opnar 45 nýjar flugleiðir

Nokkrum dögum eftir að hafa forðað sér frá gjaldþroti hafa forsvarsmenn SAS tilkynnt um aukin umsvif.

Eftir að starfsfólkið tók á sig launalækkun, sætti sig við skert lífeyrisréttindi og aukna vinnuskyldu telja stjórnendur SAS félagið í stakk búið til að blása til sóknar. Því hefur fjörtíu og fimm áfangastöðum verið bætt við leiðakerfi félagsins.

Stór hluti af nýju stöðunum er í suðurhluta Evrópu og verður aðeins flogið þangað í sumar. Haft er eftir talsmanni félagsins á netsíðu Berlingske að ástæðan mikilli áherslu á sólarlandaflug sé sú staðreynd að fastakúnnar SAS, sem fljúga með félaginu í viðskiptaerindum, vilji einnig geta nýtt sér þjónustu þess þegar halda á í sumarfrí.

Reykjavík ekki í kortunum

SAS flýgur hingað allt árið um kring frá Osló en síðasta sumar bætti félagið við flugi frá Stokkhólmi. Ekki verður hins vegar framhald á Svíþjóðarfluginu næsta sumar líkt og Túristi greindi nýverið frá.

Í gær hófst útsala hjá SAS þar sem í boði eru miðar sem gilda fram til 31. maí (sjá hér).

Fylgstu með Túrista á Facebook

NÝJAR GREINAR: 5 ferðir á undir 40 þúsund í næstu viku – Aukagjöld flugfélaganna eins og þau leggja sig

Mynd: SAS

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.