Sumir grípa í bók eða kveikja á tölvunni þegar fluginu þeirra er seinkað. Með aðstoð nýrrar stefnumótasíðu hefur farþegum verið gert það auðveldara að brjóta ísinn og kynnast nýju fólki á meðan beðið er.
Seinkanir á flugi eru því miður hluti af lífi ferðamannsins. Það getur hins vegar verið erfitt að drepa tímann á flugstöð í langan tíma, jafnvel þó nettengingin sé frí og bókabúðirnar góðar.
Þeir sem vilja nýta tímann til að kynnast nýju fólki geta skráð sig á heimasíðunni Meet at the airport og þannig fundið fólk sem statt er í sömu flugstöð. Í framhaldinu geta þessir tveir einstaklingar mælt sér mót.
Forsprakki heimasíðunnar segir í viðtali við CNN að notendurnir geti tekið fram í hvaða tilgangi þeir vilji komast á stefnumót. Fólk er svo parað saman eftir því hvort rómantík eða viðskipti búi að baki áhuga þeirra á því að setjast niður með öðrum farþegum.
Í dag eru 20.000 manns skráðir á síðuna en hún fór í loftið í fyrra.
Fylgstu með Túrista á Facebook
NÝJAR GREINAR: WOW ódýrast en easyJet langdýrast – Ráðast í endurbætur svo færri missi af fluginu
HÓTEL: Gerðu verðsamanburð á gistingu og bókaðu besta kostinn
Mynd: Cph.dk