Samfélagsmiðlar

Stundvísitölur: Töluverðar tafir hjá WOW

Yfirtaka WOW air á flugáætlun Iceland Express olli mikilli röskun á ferðum félagsins.

Þó sex af hverjum tíu ferðum WOW air, til og frá Keflavík, hafi haldið áætlun síðustu tvær vikur þá var meðalseinkunin 49 mínútur. Það voru komutímar sem brengluðust oftar en brottfarirnar.

Þegar WOW tók Iceland Express yfir fjölgaði ferðum þess töluvert og höfðu forsvarsmenn félagsins varað við seinkunum á heimasíðu sinni í kjölfar breytinganna.

Icelandair hélt áætlun í 85 prósent tilvika og tafirnar voru að jafnaði fjórar mínútur. Brottfarir félagsins voru á réttum tíma í langflestum tilfellum líkt og verið hefur síðustu mánuði. Félagið varð að hætta við nokkrar ferðir til austurstrandar Bandaríkjanna í vikunni en flug sem eru felld niður eru ekki tekin með í stundvísitölurnar.

Síðasta ferð Iceland Express

Þegar Túristi hóf að reikna út stundvísi í millilandaflugi hér á landi í fyrra þá var áberandi hversu illa Iceland Express gekk að halda áætlun. Í byrjun ársins urðu seinkanir hinsvegar undantekning hjá félaginu og það var oft stundvísari en keppinautarnir líkt og forsvarsmönnum Iceland Express varð tíðrætt um síðustu misseri. Félagið hélt uppteknum hætti fram að lokun þó síðustu ferðinni héðan hafi reyndar seinkað um rúman hálftíma.

SAS, Primera Air, Norwegian, easyJet og Air Greenland flugu líka milli Íslands og útlanda á tímabilinu en ferðirnar voru nokkru færri en íslensku félaganna.

Stundvísitölur seinni hluta október

16.-31.okt.Hlutfall brottfara á tímaMeðalseinkun brottfaraHlutfall koma á tímaMeðalseinkun komaHlutfall ferða á tímaMeðalseinkun allsFjöldi ferða
Icelandair93%3 mín77%4 mín85%4 mín584
Iceland Express84%2 mín95%1 mín90%1,5 mín41
WOW air72%35 mín50%62 mín61%49 mín60

Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.

Fylgstu með Túrista á Facebook

NÝJAR GREINAR: EasyJet mun dýrari en Icelandair og WOW
TENGDAR GREINAR: Tengiflug í súginn vegna seinkunar –  Stundvísitölur fyrri hluta október

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …