Samfélagsmiðlar

Ferðaminningar Stefáns Mána

Nýlega kom út spennutryllirinn Húsið eftir Stefán Mána rithöfund sem hefur slegið í gegn hjá bæði gagnrýnendum og lesendum. Stefán Máni er iðinn höfundur, sendir frá sér þykka bók árlega en hann gefur sér þó tíma til ferðalaga og deildi með lesendum Túrista ferðaminningum sínum.

Fyrsta ferðalagið til útlanda:

18 ára stökk ég til og keypti miða í hópferð á Donington-hátíðina á Englandi, sem eru risavaxnir þungarokkstónleikar. Ég fór einn en í ferðinni kynntist ég strákum sem urðu ferðafélagar mínir til Bandaríkjanna á næstu árum, auk þess sem vinaböndin halda enn þann dag í dag. Á þessum tónleikum á Englandi spiluðu meðal annarra Guns N Roses og Iron Maiden og dóu tveir áhorfendur áður en yfir lauk. Þetta var skítug, sveitt, erfið og ógleymanleg reynsla.

Það sem ég geri til að láta tímann líða hraðar í flugvélinni:

Horfa á bíómyndir.

Best heppnaða utanlandsferðin:

Ætli það hafi ekki verið Ítalíuferðin mín í fyrra. Ég var boðin á bókmenntahátíð í sjávarbænum Lerici en byrjaði og endaði ferðina í Mílanó, keyrði um Toscana-hérað og skrapp til Pisa í regnstormi. Allt var framar væntingum í ferðinni; fólkið, maturinn, náttúran og ég veit ekki hvað – ég einfaldlega féll fyrir ítalíu! En þetta er samt bara ein af mörgum vel heppnuðum utanlandsferðum.

Tek alltaf með í fríið:

Vinnuna … og góða skapið!

Vandræðalegasta uppákoman í útlöndum:

Hm. Einu sinni var ég fastur í öryggisleit á Kennedy flugvelli vegna þess að málmleitartækið pípaði alltaf. Ég var tekinn í ítarlegri leit, ég skannaður með handfrjálsum búnaði sem pípaði alltaf þegar öryggisvörðurinn, þrekvaxinn blökkumaður, renndi honum yfir brjóstið á mér. „Hey, this one got a heart of stone!“ kallaði hann digurbarkalega og hló. Ég slapp þó í gegn á endanum. Sönn saga!

Besti maturinn sem ég hef smakkað á ferðalagi:

Auðvelt! Jólaöndin sem ég fékk á miðaldaveitingastað í miðbæ Wroclaw í Póllandi – hálf ofnsteikt önd með heitu rauðkáli, alls kona rmeðlæti, heitri sósu og svampkenndum kartöflum. Hver einasti munnbiti var heilt ævintýri og ég táraðist næstum af gleði.

Það sem er mikilvægast á hótelherberginu:

Baðkar, góðar sápur, sjónvarp með videóleigu og minibar með alls konar.

Draumafríið:

Egyptaland; að sigla niður Níl og skoða píramídana eftir myrkur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …