Samfélagsmiðlar

2 nýjar flugleiðir á næsta ári

Í ár voru það Denver í Colorado og Lyon í Frakklandi sem bættust við leiðakerfi Keflavíkurflugvallar. Næsta sumar bætast aftur tvær í púkkið.

Það er líklegt að ferðamönnum frá Alaska og Rússlandi fjölgi hér á næsta ári því Icelandair hefur áætlunarflug til nyrstu borgar Bandaríkjanna, Anchorage, í sumar og einnig til Sankti Pétursborgar í Rússlandi. Þetta verður í fyrsta skipti sem flogið verður héðan reglulega til Alaska og Rússlands og væntanlega munu margir íslenskir túristar nýta sér það. Flogið verður tvisvar í viku til beggja þessara borga yfir sumarmánuðina. Hér er það sem helst heillar ferðalanga á þessum nýju áfangastöðum.

Anchorage

Útivistarfólk mun væntanlega fjölmenna í vélar Icelandair til Alaska því tveir þriðju hlutar landsvæðisins í fylkinu eru verndarsvæði þar sem ekki má byggja. Það þarf því ekki langt út fyrir bæjarmörkin til að finna ósnert víðerni og fjölbreytt dýralíf.

Það var mikill uppgangur í Alaska á níunda áratugnum og þá var mikið byggt í Anchorage og er hún fjölmennasta borg fylkisins með um þrjú hundruð þúsund íbúa. Borgin hefur víst upp á ýmislegt að bjóða og mælir ferðabók Frommers sérstaklega með söfnunum Alaska Native Heritage Center og Anchorage Musuem sem bæði gera sögu fylkisins og íbúanna góð skil. Það mun einnig vera nóg af veitingastöðum og verslunum í Anchorage fyrir þá sem vilja taka sér hlé frá útivistinni en ekki er víst að úrvalið í búðunum heilli alla Frónbúa því íbúar Anchorage voru nýlega kjörnir verst klæddu íbúar Bandaríkjanna af ferðablaðinu Travel&Leisure.

Icelandair mun fljúga til Anchorage á miðvikudögum og sunnudögum frá 15. maí til 15. september. Lægsta farið út er á 53.440 krónur.

HÓTEL: Finndu ódýrustu gistinguna í Anchorage

Sankti Pétursborg

Það var ætlun Péturs mikla að reisa glæsilega borg þegar hann lagði drög að Sankti Pétursborg á fenjasvæði í vesturhluta ríkisins. Honum tókst ætlunarverkið því borgin hefur lengi verið talin með fegurri borgum Evrópu enda var engu til sparað og þrælar keisarafjölskyldunnar færðu miklar fórnir til að gera draum Péturs mikla að veruleika. Þekktustu byggingar borgarinnar eru skrautlegar að innan sem utan og þar fá söguáhugamenn heilmikið fyrir sinn snúð.

Sælkerar, listunnendur og næturhrafnar fá líka útrás í borginni en þeir sem vilja komast hjá því að borga of mikið fyrir matinn og drykkina ættu víst að forðast staði þar sem splunkunýjar glæsikerrur standa í röðum fyrir utan.

Fyrsta flug Icelandair til Sankti Pétursborgar fer í loftið laugardaginn 1. júní og síðasta vél sumarsins fer þriðjudaginn 17. september. Ódýrasta fargjaldið til Rússlands er 26.780 krónur.

HÓTEL: Finndu ódýrustu gistinguna í Sankti Pétursborg

Það er ólíklegt að fleiri nýir áfangastaðir bætist við áætlanir flugfélaganna fyrir árið 2013. Sumaráætlanir ferðaskrifstofanna liggja enn ekki fyrir en þar gætu leynst nýjungar.

Fylgstu með Túrista á Facebook

TENGDAR GREINAR: Rússlandsreisan hefst í Túngötu
TILBOÐ: 10% afsláttur á gistingu í London5% afsláttur á hóteli í Kaupmannahöfn

Mynd: Archer10/Creative Commons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …