Samfélagsmiðlar

Skóeftirlitið mesta skapraunin

Líkamsleit og nektarskannar við öryggishlið ergja bandaríska flugfarþega minna en að þurfa að fara úr skóm. Þar í landi er eftirlit með fótabúnaði þó minna en á Keflavíkurflugvelli.

Farþegar vestanhafs hafa meiri andstyggð á skóeftirliti í flughöfnum en að láta öryggisvörð leita á sér eða þurfa að stíga inn í líkamsskanna. Ekkert öryggisatriði fer eins mikið í taugarnar á farþegum eins og að þurfa úr skóm. Þetta kemur fram í könnun sem samtökin US Travel gerðu og Túristi hefur fengið aðgang að. Forsvarsmenn flugöryggisstofnunnar Bandaríkjanna, TSA, sýna gagnrýni á skóeftirlitið fullan skilning því í nýlegri grein New York Times, þar sem m.a. er fjallað um könnunina, kemur fram að á heimasíðu stofnunarinnar segi að skimun á skóm sé tímafrek, tefji fyrir afgreiðslu í öryggishliði og valdi óánægju. Þetta er öfugt við upplifun íslenskra flugmálayfirvalda því í svörum þeirra við fyrirspurnum Túrista segir að það flýti fyrir að láta alla fara úr skóm. Í Bandaríkjunum eru reglurnar hins vegar ekki eins strangar því þar mega börn og eldri borgarar ganga í skóm í gegnum málmleitartæki. Víðast hvar í Evrópu er eftirlitið handahófskennt og t.a.m. áætla yfirmenn Kaupmannahafnarflugvallar að aðeins fimm prósent farþega þurfi úr skóm þar á bæ.

Minnast ekki á hina ítarlegu skoðun á heimasíðunni

Þrátt fyrir að skóeftirlitið sé strangara á Keflavíkurflugvelli en í Bandaríkjunum og flestum, ef ekki öllum, löndum Evrópu eins og Túristi hefur áður fjallað um (sjá hér) þá er ekki minnst á það á heimasíðu flugvallarins. Aðspurður segir talsmaður Isavia að ekki hafi verið haft fyrir því að setja þessar upplýsingar inn vefsíðuna en það sé nú til athugunar. Þess ber að geta að eftirlit með skóm flugfarþega hefur verið stundað í um áratug og á vefsíðum fjölda flugvalla segir að farþegar megi búast við því að þurfa úr skóm. Flugmálayfirvöld á Spáni ganga jafnvel svo langt að biðja fólk fyrirfram afsökunar á þeim óþægindum sem það kann að valda.

Ekkert bólar á endurkoðun reglnanna

Túristi hefur fjallað um hið stranga skóeftirlit á Keflavíkurflugvelli síðan í ágúst 2011 og í sumar gaf Ögmundur Jónasson, innanríkisráðherra, það út að reglurnar yrðu endurskoðaðar í haust. Ekkert hefur komið út úr þeirri vinnu samkvæmt upplýsingum úr ráðuneytinu.

Fylgstu með Túrista á Facebook

TENGDAR GREINAR: Bandaríkjamenn slaka á reglum en Íslendingar ekki75 prósent telja eftirlitið í Keflavík of strangt
HÓTEL: Finndu ódýrustu gistinguna í Bandaríkjunum10% afsláttur á gistingu í London

Mynd: Icelandair

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …