Þrjú evrópsk flugfélög komast á listann yfir þau pottþéttustu.
Í kvikmyndinni Rain Man vildi persóna Dustin Hoffman aðeins fljúga með hinu ástralska Quantas því það væri öruggusta flugfélagið í heiminum. Samkvæmt þýska rannsóknafyrirtækinu Jet Airliner Crash Data Evaluation Centre er Quantas aðeins í þrettánda sæti yfir þau pottþéttustu og hið finnska Finnair toppar listann. Í öðru sæti er Air New Zealand og Cathay Pacific frá Hong Kong er í þriðja sæti.
Ekkert þeirra félaga sem bjóða uppá ferðir til og frá Íslandi eru á lista þeirra tíu óbrigðulustu en Lufthansa, sem flýgur hingað á sumrin, er í ellefta sæti og easyJet í því sautjánda.
Félög eins og Icelandair og Norwegian eru ekki nógu stór til að vera tekin með í reikninginn.
10 öruggustu flugfélögin
- Finnair, Finnlandi
- Air New Zealand, Nýja Sjálandi
- Cathay Pacific, Hong Kong
- Emirates, Dubai
- Etihad, Abu Dhabi
- Eva Air, Taívan
- Tap, Portúgal
- Hainan Airlines, Kína
- Virgina Australia, Ástralía
- British Airways, Bretlandi
Fylgstu með Túrista á Facebook
TILBOÐ: Ókeypis morgunmatur með ódýrri gistingunni í Kaupmannahöfn
HÓTEL: Finndu og bókaðu hagstæðasta hótelherbergið
Mynd: Finnair