Samfélagsmiðlar

Fleiri ódýr hótel í Kaupmannahöfn

Flugmiðar til Kaupmannahafnar eru alla jafna með þeim ódýrari sem í boði eru hér á landi. Verðlagið er þó frekar hátt í borginni og það eru því góð tíðindi að danskir hóteleigendur fókusi á að opna ódýra gististaði.

Fyrir þremur árum var tekið í gagnið fimm hundruð herbergja hótel í Kaupmannahöfn sem kallast Wake up. Herbergin á þessum gististað við aðallestarstöðina eru lítil og kosta þau ódýrustu innan við átta þúsund íslenskar krónur. Það er lágt verð í borg þar sem gistinóttin kostar sjaldnast undir tuttugu þúsund krónum.

Þetta ódýra og einfalda hótel hefur fallið í kramið hjá ferðamönnum og því ætla eigendurnir að endurtaka leikinn í hinum enda miðborgarinnar, þ.e.a.s. rétt við Kóngsins nýjatorg. Samkvæmt frétt Politiken er áformað að opna nýja hótelið á næsta ári og verða herbergin um þrjú hundruð talsins.

Það er sonur stjörnuarkitektsins Jørn Utzon sem hannar nýja hótelið en hann sá líka um útlit Wake up.

Þeir lesendur Túrista sem kunna best við sig í nágrenni við Nýhöfn, Kóngins nýjatorg og Amalienborg fá lægsta verðið á ágætis hóteli í hverfinu og frían morgunmat í kaupbæti (sjá hér).

HÓTEL: Finndu besta prísinn á hótelum í Kaupmannahöfn
NÝJAR GREINAR: Til Kína fyrir minna en 100 þúsund

Mynd: Wake up

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …