London nær nýjum hæðum

Það tekur lyftuna eina mínútu að komast á efstu hæðir hæstu byggingar Lundúna sem tekin verður í notkun eftir hálfan mánuð.

Nýi útsýnispallur Lundúnabúa er í 244. metra hæð. Það hefur verið nær ómögulegt að sjá allt það helsta í London á nokkrum dögum en nú opnast nýr möguleiki fyrir ferðamenn sem vilja komast yfir mikið. Föstudaginn fyrsta febrúar verður nefnilega tekinn í notkun fjögurra hæða útsýnispallur á 68. hæð háhýsins The Shard, sem er hæsta mannvirkið í London. Fyrir 24,95 pund (rúmar 5000 krónur) fá ferðamenn far með lyftunum upp í topp þessa 309,6 metra háa turns. Þaðan má virða fyrir sér öll helstu kennileiti borgarinnar og þeir djörfustu geta kíkt út á svalirnar á 72. hæð.

Íbúðir við toppinn

The Shard stendur við ánna Thames, ekki langt frá London Bridge og er því í alfaraleið. Það mun þó hafa gengið hægt að koma öllu plássinu í turninum í leigu en eigendurnir segja ástæðuna ekki vera skort á eftirspurn heldur hversu vandfýsnir þeir eru. Hótelkeðjan Shangri-La hefur þó fengið inni og mun opna þar tvö hundruð herbergja gististað í sumar. Á hæðunum fyrir neðan útsýnispallinn ætla nokkrir auðjöfrar að búa og turninn verður þar með hæsta íbúðahúsnæði í Evrópu.

Á heimasíðu View from the Shard má panta miða upp í útsýnispallinn.

The Shard gnæfir yfir London þar sem hann stendur við bakka Thames.

TILBOÐ Í LONDON: 10% afsláttur af gistingu í London
HÓTEL: Finndu og bókaðu bestu kjörin á hótelum í London

Myndir: View from the Shard

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.