Sumarverðið: Ódýrustu ferðirnar til sjö evrópskra borga

Það kostar sjaldnast undir fjörtíu þúsund að fljúga til Berlínar, Parísar og Hamborgar í sumar. Spánn er ennþá dýrari og sömu sögu eru að segja um Mílanó og Zurich.

Sá sem ætlar að verja einni til tveimur vikum í Barcelona eða Mílanó í sumar þarf að borga að lágmarki um 53 þúsund krónur fyrir flugið. Þýsku borgirnar Hamborg og Berlín er ódýrari og þó þrjú félög fljúgi til Parísar er munurinn lægstu fargjöldum þangað lítill samkvæmt verðkönnun Túrista sem var framkvæmd 7. og 8. janúar. Verð á farmiðum til sjö evrópskra voru athuguð og aðeins á flugleiðum þar sem ríkir samkeppni yfir sumarmánuðina.

Í könnuninni voru fundnar ódýrustu ferðirnar, báðar leiðir, með brottför frá Íslandi í hverjum mánuði fyrir sig. Miðað er við að dvölin í útlöndum sé ein til tvær vikur. Heimferðin getur því verið í öðrum mánuði en brottförin t.d. ef ódýrasta ferðin út er í síðustu viku júnímánaðar og ódýrasta ferðin til Íslands er í fyrstu viku júlí.

Farangurs- og bókunargjöldum er bætt við farmiðaverðið (smelltu hér til að sjá yfirlit yfir aukagjöld félaganna) og gengi dagsins í dag (8. janúar) er notað til að reikna út verð erlendu félaganna.

Alicante

Líkt og áður selja Heimsferðir flug með Primera Air suður á Spán. WOW air flýgur einnig þangað en Alicante er ekki lengur hluti af leiðakerfi Icelandair. Þeir sem reikna með að taka meira en handfarangur með sér í Spánarreisuna fá ódýrustu miðana hjá Heimsferðum. Flugtímar liggja þó ekki fyrir hjá ferðaskrifstofunni.

HÓTEL: Smelltu hér til að gera verðsamanburð á gistingu í Alicante

Barcelona

WOW air er ódýrara en Icelandair í júní og júlí en það síðarnefnda býður betur í ágúst.

HÓTEL: Smelltu hér til að gera verðsamanburð á gistingu í Barcelona

Berlín

Í fyrsta skipti í vetur hefur Íslendingum staðið til boða áætlunarflug til höfuðborgar Þýskalands því WOW air hefur flogið þangað tvisvar í viku. Í sumar fjölgar ferðunum og þá blanda tvö stærstu flugfélög Þýskalands sér í slaginn um farþegana á leið milli Berlínar og Reykjavíkur. Airberlin er ódýrast alla þrjá mánuðina en framboð á ódýrustu miðum hjá félaginu er takmarkað.

HÓTEL: Smelltu hér til að gera verðsamanburð á gistingu í Berlín

Hamborg

Þjóðarverjar eru þriðji stærsti hópur ferðamanna á Íslandi og því verður flogið héðan til sjö þýskra flugvalla í sumar. Til næstfjölmennstu borgarinnar, Hamborg, fljúga Icelandair, Lufthansa og Airberlin. Það íslenska býður best í júní og júlí en er dýrast í ágúst.

HÓTEL: Smelltu hér til að gera verðsamanburð á gistingu í Hamborg

Mílanó

Það er lítið um áætlunarflug til Ítalíu en þó fljúga bæði Icelandair og WOW air til Mílanó í sumar. Ódýrasta ferðin í júní er með Icelandair en í júlí og ágúst kostar minna að fljúga með WOW air.

HÓTEL: Smelltu hér til að gera verðsamanburð á gistingu í Mílanó

París

Yfir veturinn er það aðeins Icelandair sem flýgur héðan til Parísar. Umferðin þangað eykst á sumrin þegar WOW air og fransk-hollenska lággjaldaflugfélagið Transavia blanda sér í baráttuna. Í byrjun sumars er WOW ódýrast en svo er lítill munur á þessum þremur.

HÓTEL: Smelltu hér til að gera verðsamanburð á gistingu í París

Zurich

Stærsta borg Sviss er inn á kortum Icelandair og WOW air yfir sumarmánuðina en það fyrrnefnda er mun ódýrari kostur fyrir þá sem kaupa miða þangað í dag.

HÓTEL: Smelltu hér til að gera verðsamanburð á gistingu í Zurich

TENGDAR GREINAR: Mun ódýrara til Kaupmannahafnar en London
TILBOÐ: 10% afsláttur á gistingu í London

Mynd: Paris.info