Þriðji stærsti flugvöllur Evrópu var hluti af leiðakerfi Iceland Express þegar WOW air tók fyrirtækið yfir. Forsvarsmenn þess síðarnefnda hafa nú slegið flugið þangað út af borðinu.
Í ár var flogið hingað frá átta þýskum flugvöllum og í lok nóvember höfðu lent í Keflavík um 64 þúsund Þjóðverjar samkvæmt tölum frá Ferðamálastofu. Flestir þýsku gestanna hafa væntanlega komið Íslands frá Frankfurt en Icelandair flýgur þangað allt árið um kring og á sumrin eru brottfarirnar tíu á viku. Það eru fleiri ferðir en eru í boði til annarra flugvalla í Þýskalandi frá Íslandi.
Einbeita sér að öðrum borgum
Næsta sumar ætluðu forsvarsmenn Iceland Express í fyrsta skipti að veita Icelandair samkeppni á flugleiðinni með þremur vikulegum ferðum. Eftir yfirtöku WOW air var Frankfurt enn á listanum yfir sumaráfangastaði félagsins en nú hefur félagið fallið frá þeim áformum. Það staðfestir talskona WOW air í svari til Túrista. Þar segir að félagið ætli að fjölga ferðum til áfangastaða eins og Kaupmannahafnar, Parísar og London á kostnað flugsins til Frankfurtar.
Fylgstu með Túrista á Facebook
TILBOÐ: 5% afsláttur á gistingu í Berlín
HÓTEL: Gerðu verðsamanburð á hótelum í Frankfurt
Mynd: M Gundhard/Germany.travel