Dýrustu og ódýrustu stórborgirnar

Mikill hagvöxtur og sterkt gengi hefur hækkað verðlagið í Ástralíu það mikið að tvær af stærstu borgum landsins nálgast nú toppinn yfir þær dýrustu í heimi. Ein evrópsk borg kemst á lista þeirra ódýrustu.

Íslenskur ferðamaður í Ástralíu fær um fimmtungi færri ástralska dollara fyrir krónurnar sínar í dag en fyrir þremur árum síðan. Á sama tíma hefur krónan styrkt sig örlítið gagnvart evrunni, bandarískum dollar og breskum pundum. Verðlagið hinum megin á jörðinni hefur því þróast til verri vegar fyrir fleiri en íslenska túrista og það er ein helsta ástæðan fyrir því að Sidney og Melbourne skjótast hratt upp lista Economist yfir dýrustu stórborgirnar.

Zurich hríðlækkar

Í sumar munu Icelandair og WOW air fljúga til Zurich í Sviss. Sú borg var sú dýrasta í fyrra samkvæmt útreikningum Economist en lækkun á gengi svissneska frankans hefur gert lífið þar billegra fyrir erlenda ferðamenn samkvæmt grein Guardian um málið. Genf hefur einnig fallið hratt niður listann eða úr því þriðja niður í það tíunda.

Í níunda sætinu er hins vegar hástökkvarinn, Caracas í Venesúela, sem fer upp um tuttugu og fimm sæti. Osló er hins vegar dýrasta borg Norðurlanda og sú eina sem kemst á topplistann í heiminum.

Búkarest ódýrust í Evrópu

Höfuðborg Rúmeníu hefur notið mun minni vinsælda ferðamanna en aðrar höfuðborgir A-Evrópu eftir fall járntjaldsins. Það er kannski ein af ástæðum þess að Búkarest er ódýrasta stórborg Evrópu. Hinar borgirnar á listanum yfir þær ódýrustu eru allar mun lengra í burtu eins og sjá má hér fyrir neðan.

	Dýrustu stórborgirnar		Ódýrustu stórborgirnar
1.	Tókýó, Japan	1.	Karachi, Pakistan
2.	Osaka, Japan	2.	Mumbai, Indland
3.	Sydney, Ástralía	3.	Delí, Indland
4.-5.	Osló, Noregur	4.	Katmandu, Nepal
4.-5.	Melbourne, Ástralía	5.-6.	Algeirsborg, Alsír
6.	Singapúr	5.-6.	Búkarest, Rúmenía
7.	Zurich, Sviss	7.	Colombo, Sri Lanka
8.	París, Frakkland	8.	Panama borg, Panama
9.	Caracas, Venesúela	9.	Jeddah, Sádí Arabía
10.	Genf, Sviss	10.	Teheran, Íran

VILTU FRÍAN MORGUNMAT Í FRÍINU?

NÝJAR GREINAR: Nú kemstu beint til Toronto allt árið – Meira en milljarður túrista á síðasta ári

Mynd: Linh_rOm/Creative Commons

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.