Samfélagsmiðlar

Íslenskum túristum fjölgar í Kaupmannahöfn

Ferðum okkar til höfuðborgar Danmerkur hefur farið fjölgandi jafnt og þétt síðustu þrjú ár ef miðað er við fjölda gistinátta. Íslendingar eru líklegri til að gista á hóteli en aðrir ferðamenn í Kaupmannahöfn.

Árið 2007 sváfu íslenskir ferðamenn að jafnaði í einu af hverju hundrað hótelherbergjum Kaupmannahafnar. Í dag er hlutfallið nærri þrefalt minna því komur Íslendinga til borgarinnar eru sjaldgæfari nú en fyrir fimm árum síðan. Á sama tíma hefur ferðamönnum frá öðrum löndum fjölgað í dönsku höfuðborginni samkvæmt tölum frá hagstofunni þar í landi.

Hátt fall eftir hrun

Þegar mest lét voru gistinætur Íslendinga í Kaupmannahöfn nærri áttatíu þúsund talsins en í fyrra voru þær rúmlega þrjátíu þúsund eins og sést á súluritinu hér fyrir neðan. Algjört hrun varð í ferðalögum Íslendinga til gömlu höfuðborgarinnar árið 2009, eins og gefur að skilja, en síðan þá hefur leiðin legið upp á við. Nóttunum fjölgaði um fimm af hundraði á síðasta ári. Það er nákvæmlega jafn mikil aukning og var í fjölda brottfara Íslendinga frá Keflavíkurflugvelli í fyrra.

Níu af tíu á hóteli

Af þeim nærri níu milljón gistinóttum sem ferðamenn í Kaupmannahöfn keyptu á síðasta ári voru um áttatíu prósent þeirra á hótelum. Afgangurinn skiptist m.a. á milli farfuglaheimila og tjaldstæða. Rúmlega níu af hverjum tíu Íslendingum tékkaði sig hins vegar inn á hótel í Kaupmannahöfn.

Fjöldi gistinátta Íslendinga í Kaupmannahöfn árin 2005 til 2012:

 

VILTU FRÍAN MORGUNMAT Í KAUPMANNAHÖFN?

TENGDAR GREINAR: 5 góð kaffihús í Kaupmannahöfn Þrír af hverjum fjórum með Icelandair

Heimild: Danska hagstofan

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …