Áætlun Icelandair hélt oftar en Wow síðustu tvær vikur en komutímar riðlast miklu frekar en brottfarir.
Samtals stóðu Icelandair og Wow air fyrir 231 ferð til útlanda á fyrri hluta mánaðarins. Aðeins þrettán sinnum seinkaði ferðunum. Hjá Icelandair var 96 prósent flugtaka í Keflavík á tíma en hlutfallið var lægra hjá Wow air eða 86 prósent. Komutímar þess fyrrnefnda héldu hins vegar ekki eins oft eins og sjá má á töflunni hér fyrir neðan. Í heildina voru félögin því nærri jafn stundvís á tímabilinu.
Icelandair flaug um sjö sinnum oftar en Wow á tímabilinu. EasyJet, Norwegian, SAS og Primera Air voru líka á ferðinni fyrri tvær vikur mánaðarins en þó mun sjaldnar.
Stundvísitölur fyrri hluta febrúar 2013
1.-15.feb. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
Icelandair | 96% | 3 mín | 72% | 5 mín | 84% | 4 mín | 403 |
WOW air | 86% | 7 mín | 79% | 7 mín | 83% | 7 mín | 58 |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
HÓTEL: Gerðu verðsamanburð á gistingu og bókaðu besta kostinn
TILBOÐ: 10% afsláttur á gistingu í London – Ókeypis morgunmatur í Kaupmannahöfn
Mynd: Gilderic/Creative Commons