Ameríkuflug Wow Air hefst næsta vor

Eftir rúmt ár mun samkeppnin á flugi til Bandaríkjanna aukast ef áætlanir eigenda Wow Air ganga eftir. Félagið skilaði hagnaði á síðasta ári.

„Já, það er rétt, í dag erum við aðeins ferðaskrifstofa sem leigir flugvélar. En við reiknum með að Wow Air fái sitt eigið flugrekstrarleyfi í september“, segir Skúli Mogensen, forstjóri Wow Air í viðtali við danska ferðaritið Standby. Hann bætir því við að vorið 2014 byrji Wow Air að fljúga vestur um haf en vill þó ekki gefa upp hvaða áfangastaðir í Bandaríkjunum verða fyrir valinu. Skúli segir þó að flogið verði til borga sem núna eru hluti að leiðakerfi Icelandair.

Stefnt á hagnað í ár

Í viðtalinu kemur einnig fram að velta Wow Air á síðasta ári hafi verið rúmir tólf milljarðar króna. „Ég hef aðeins fjárfest í félaginu með mínu eigin fjármagni, einnig við yfirtökuna á Iceland Express, en það félag gat ekki haldið verðstríðinu við okkur áfram. Wow Air tók Iceland Express yfir því vasar mínir voru dýpri“, segir Skúli við Standby í Danmörku.

Mega hefja Bandaríkjaflug án flugrekstrarleyfis

Í nýlegu viðtali við Björn Inga Knútsson, framkvæmdastjóra Wow Air, kom fram að flugrekstrarleyfi væri forsenda flugs til Bandaríkjanna. Iceland Express gat þó flogið þangað án þess að vera með þess háttar leyfi og Wow Air ætti að geta það líka. Því samkvæmt upplýsingum Túrista hjá Flugmálastjórn Litháen, en Avion Express sem sér um flug Wow er skráð þar í landi, mega litháísk flugfélög fljúga til Bandaríkjanna.

Athugasemd: Í fyrstu útgáfu fréttarinnar var sagt að Wow hefði skilað hagnaði í fyrra, líkt og haft var eftir Skúla í Standby. Samkvæmt upplýsingum frá Wow var um misskilning milli danska blaðamannsins og forstjóra Wow að ræða því stefnt er á hagnað nú í ár.

VILTU 10% AFSLÁTT AF GISTINGU Í PARÍS?

HÓTEL: Gerðu verðsamanburð á hótelum í London
NÝJAR GREINAR: Casper úr Klovn mælir með afrískri kjötveislu fyrir Íslendinga

Mynd: Víkurfréttir

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira