Afhverju er flogið beint milli Stokkhólms og Sulaymaniyah í Írak og afhverju ferðast svona margir Skotar frá Aberdeen til Baku?
Frá Keflavík er boðið upp á beint flug til fjölmarga borga (sjá kort) og einhverjum útlendingum gæti þótt erfitt að skilja afhverju flogið er héðan til Anchorage í Alaska og allt að þrisvar sinnum á dag til Boston.
Þessar flugleiðir rötuðu þó ekki inn á lista Wall Street Journal yfir þær sérkennilegustu sem í boði eru um þessar mundir. En samkvæmt blaðinu eiga flugleiðirnar á listanum það allar sammerkt að vera vinsælar. Til að mynda er sætanýtingin hjá flugfélaginu Germania yfir 90 prósent þegar flogið er með Kúrda milli Þýskalands og Írak.
Furðulegustu flugleiðirnar:
Birmingham, Englandi og Amristar, Indlandi
Í bresku borginni búa fjölmargir sem aðhyllast Sikh trúarbrögð og þeir fara í pílagrímaferðir til Amristar. Armavia heitir félagið sem flýgur á milli.
Houston, Bandaríkjunum og Laos í Nígeríu
Olíuiðnaðurinn blómstrar í báðum þessum borgum og það kallar á góðar samgöngur fyrir fólk, tæki og tól. Continental sér um ferðirnar.
París, Frakklandi og Cincinnati, Bandaríkjunum
Delta flugfélagið er víst með verksmiðjur í nágrenni við þessar ólíku borgir og þarf að fljúga varahlutum í flugvélar á milli.
Aberdeen, Skotlandi og Baku, Aserbadjan
Í Baku er olíuvinnsla mikilvæg atvinnugrein og Aberdeen er miðstöð jarðolíu í Evrópu. Ríkisflugfélag Asera sér um samgöngurnar.
Frá Dusseldorf, Munchen og Stokkhólmi yfir til Ebril og Sulaymaniyah í Írak
Kúrdar í Evrópu fljúga á fornar slóðir með þýska félaginu Germania.
NÝTT: Vegvísir fyrir Frankfurt
Mynd: Ildikó Lukács/imagebank.sweden.se
