Framboð á flugi til London tvöfaldast

Í febrúar var flogið héðan til höfuð­borgar Bret­lands tuttugu og sex sinnum í viku. Á næst­unni munu Icelandair, Wow Air og Easy Jet bæta við enn fleiri ferðum þangað.

Í byrjun næsta árs verður flogið milli Íslands og London allt að sex sinnum á dag. Samtals verða flugin þrjátíu og sjö á viku. Þetta eru nærri tvisvar sinnum fleiri brott­farir en voru í boði á sama tíma í fyrra, áður en Easy Jet bætti Íslandi við leiða­kerfi sitt. Þá voru ferð­irnar nítján á viku, fjórtán á vegum Icelandair og fimm hjá Iceland Express.

Wow fer úr sjö í tólf

Upphaf­lega flaug Easy Jet hingað þrisvar í viku frá London en nýlega bætti félagið við fjórðu brott­för­inni. Í byrjun næsta árs ætlar félagið að fljúga héðan til Lundúna alla daga nema laug­ar­daga. Icelandair bætir bráð­lega við þremur ferðum í viðbót til Gatwick flug­vallar og flýgur þá fimm sinnum þangað og fjórtán sinnum til Heathrow. Wow Air stefnir á stór­aukin umsvif á þessari flug­leið næsta vetur með tólf flug­ferðum á viku en undan­farna mánuði hafa þær verið sjö eins og sjá má á töfl­unni hér fyrir neðan.

Til London feb. 2013 Til London feb. 2014 Aukning
Easy Jet 3 ferðir í viku 6 ferðir í viku 100%
Icelandair 16 ferðir í viku 19 ferðir í viku 18,8%
Wow Air 7 ferðir í viku 12 ferðir í viku 71,4%
Samtals 26 ferðir í viku 37 ferðir í viku 42,3%

Miklu fleiri Bretar

Í febrúar sl. flugu tæplega sextán þúsund Bretar frá Kefla­vík­ur­flug­velli samkvæmt tölum frá Ferða­mála­stofu. Fjölgaði þeim um nærri helming frá sama tíma í fyrra. Gera má ráð fyrir að í síðasta mánuði hafi verið um 23 þúsund flug­sæti í boði en í febrúar á næsta ári verða flug­sætin um 32 þúsund, ef miðað er við stærð meðal­far­þega­þotu. Það er því næsta víst að breskum ferða­mönnum þarf áfram að fjölga hratt hér á landi og áhugi Íslend­inga á heim­sóknum til Bret­lands verður líka að aukast ef fylla á þessi sæti. Þó ber að hafa í huga að hluti þeirra sem fljúga með Icelandair, til og frá Bretlandi, milli­lendir aðeins hér á leið sinni til N‑Ameríku.

Fylgstu með Túrista á Face­book

HÓTEL: Smelltu og gerðu verð­sam­an­burð á hótelum út um allan heim
BÍLALEIGUBÍLAR: Rentalcars lofar góðum kjörum
NÝJAR GREINAR: Easy Jet fjölgar ferðum og áfanga­stöðum