Keflavíkurflugvöllur sá fjórði besti í Evrópu

Fyrir fjórum árum var flugvöllurinn í Keflavík valinn sá besti í Evrópu og árið 2011 var hann sá fremsti af þeim minni. Í ár komst hann ekki á verðlaunapall.

Það hefur varla framhjá farþegum í Leifsstöð síðustu ár að Keflavíkurflugvöllur hlaut flest stig allra flugvalla í Evrópu í þjónustukönnun alþjóðlegu samtakanna Airports Council International (ACI) árið 2009 og 2011. Víða um flugstöðina hefur mátt sjá plaköt og sjónvarpsauglýsingar þar sem árangrinum er hampað. Nýlega voru kynntar niðurstöður könnunar síðasta árs og það var Sheremetyevo flugstöðin í Moskvu sem fékk gullið. Silfrið fór til Möltu og sá í Edinborg fékk bronsið. Keflavík endaði fjórða sæti og Zurich í því fimmta samkvæmt fréttatilkynningu ACI.

Bæta þjónustuna

Rúmlega tvö hundruð flugstöðvar taka þátt í könnuninni og eru að minnsta kosti 1400 farþegar spurðir út í þjónustuna á hverjum flugvelli fyrir sig. Það eru því farþegarnir sjálfir sem ráða niðurstöðunni.

Eins og Túristi hefur margoft bent á þá var eftirlit með skóm á Keflavíkurflugvelli lengi vel strangara hér en þekkist í Evrópu og Bandaríkjunum. Allir farþegar, líka börn og gamalmenni, þurftu að fara úr skóm við vopnaleit öfugt við það sem gengur og gerist annars staðar. Í byrjun árs var slakað á reglunum sem mun sennilega skila sér í hærri einkunn Keflavíkurflugvallar því samkvæmt bandarískum könnunum þá hafa farþegar vestanhafs meiri andstyggð á skóeftirliti í flughöfnum en að láta öryggisvörð leita á sér eða þurfa að stíga inn í líkamsskanna. Þrír af hverjum fjórum lesendum Túrista töldu líka reglurnar hér of strangar þegar viðhorf þeirra var kannað síðastliðið sumar.

Þetta eru ekki einu breytingarnar því bráðum verður boðið upp á frítt netsamband í Leifsstöð. En eins og fjallað var um hér á síðunni nýverið þarf fólk ekki að borga fyrir aðgang að neti á meira en 80 norrænum flugvöllum. Sá íslenski fetar því fljótlega í fótspor flugstöðva frændþjóðanna.

VILTU 10% AFSLÁTT AF GISTINGU Í PARÍS?

TENGDAR GREINAR: Keflavíkurflugvöllur komst á lista þeirra 100 stærstu í Evrópu

Mynd: Isavia

Bókunarflæðið að jafna sig eftir skjálfta

Undir lok síðasta mánaðar sáu stjórnendur Icelandair sig tilknúna til að vara fjárfesta við neikvæðum áhrifum jarðhræringa á Reykjanesi á bókanir. Í dag hefur ástandið ekki eins mikið að segja því í nýrri tilkynningu er haft eftir Boga Nils Bogasyni, forstjóra Icelandair, að „einhverra áhrifa gæti enn til skemmri tíma á bókanir og tekjur en … Lesa meira

Túristi fær nýtt nafn

Fljótlega breytist Túristi í FF7 – Frásagnir og fréttir alla daga og klæðist nýjum búningi. Áfram verða ferðamál í öndvegi en leitað fanga víðar, birtar frásagnir og fréttir af umsvifum fólks og fyrirtækja – og einfaldlega sagt frá því sem fólk gæti haft gaman af að lesa. Ritstjórar FF7 verða Kristján Sigurjónsson (útgefandi og ábyrgðarmaður) … Lesa meira

Ólífutréð í hlýnandi heimi

Meðan þráttað er um það á COP28 í Dúbæ hvernig draga megi úr notkun jarðefnaeldsneytis á næstu áratugum horfa grískir ólífubændur óttaslegnir á afleiðingar hlýnunar andrúmsloftsins fyrir framleiðslu þeirra. Uppskerubrestur blasir við á þessu ári, eins og víðar í ólífuræktarlöndum.

Ódýrara þotueldsneyti bætir stöðu flugfélaganna

Icelandair og Play borguðu samanlagt 48 milljarða króna fyrir eldsneyti á þotur sínar fyrstu níu mánuði ársins. Verðbreytingar á olíumarkaði hafa því skiljanlega mikil áhrif á reksturinn. Til marks um það vöruðu stjórnendur flugfélaganna fjárfesta við versnandi afkomu í byrjun september þegar verð á þotueldsneyti fór yfir 1000 dollara á tonnið á ný. Skráðu þig … Lesa meira

Keflavíkurflugvöllur sá fjórði besti í Evrópu

Bæta þjónustuna

Bókunarflæðið að jafna sig eftir skjálfta

Túristi fær nýtt nafn

Grænlendingar auka innheimtu gjalda af skemmtiferðaskipum

Evrópusambandið frestar tolli á rafbíla

Norwegian hægir á en íslensku félögin gefa í

Ólífutréð í hlýnandi heimi

Ódýrara þotueldsneyti bætir stöðu flugfélaganna

Sala á kínverskum Tesla-bílum minnkar