Samfélagsmiðlar

Meirihlutinn rukkar fyrir innritaðan farangur

Átta af þeim fimmtán flugfélögum sem halda uppi áætlunarflugi frá Keflavík í sumar rukka farþega fyrir innritaðan farangur. Gjaldið getur numið rúmum þrjú þúsund krónum fyrir hvora leið.

Helmingur farþega Wow Air ferðast með meira en handfarangur og hjá Icelandair innrita um níu af hverjum tíu farþegum töskur samkvæmt upplýsingum frá félögunum. Farþegar Wow Air borga 2.900 krónur fyrir hverja tösku, hvora leið, en hjá Icelandair fylgir ein taska með í kaupunum ef flogið er innan Evrópu en tvær ef ferðinni er heitið til N-Ameríku.

Dýrast hjá Easy Jet

Í sumar munu fimmtán félög halda uppi áætlunarflugi héðan og átta þeirra rukka sérstaklega fyrir farangurinn samkvæmt athugun Túrista (Smelltu hér til að sjá hverjir fljúga hvert). Fimm félög heimila eina til tvær töskur án þess að greitt sé aukalega.

Farangursgjald Easy Jet er það hæsta hér á landi eða 3.100 krónur. Það kostar því 6.200 krónur að taka með sér eina tösku, báðar leiðir, ef flogið er með breska lággjaldaflugfélaginu. Vueling og Wow Air rukka aðeins minna. Farangursgjald þessara þriggja félaga er nokkru hærra en hinna fimm sem rukka fyrir farangurinn eins og sjá má á töflunni hér fyrir neðan. Þess ber að geta að sum erlendu flugfélögin heimila eina tösku ef bókaðir eru farmiðar úr dýrari verðflokkum.

Farangursgjald flugfélaganna

FélagGjald¹
Airberlin2.400 kr.
Air GreenlandInnifalið
DeltaInnifalið
EasyJet3.100kr.
German Wings1.600 kr.
IcelandairInnifalið
LufthansaInnifalið
Fly Niki2.400 kr.
Norwegian1.500 kr.
Primera AirInnifalið
SASInnifalið
Thomas CookInnifalið
Transavia2.400 kr.
Vueling3.000 kr.
Wow Air2.900 kr.

 

 

 

 

 

 

 

 

 

1: Verð fyrir eina tösku (max. 20 kg.), aðra leið, þegar bókað er á netinu. Mun dýrara á flugvellinum.
2: Gjöld erlendu félaganna eru umreiknuð í krónur m.v. gengi dagsins og námunduð að hundraði þar sem gengi krónunnar flöktir mikið.

Fylgstu með Túrista á Facebook

Viltu 10% afslátt af gistingu í París?

NÝJAR GREINAR: Keflavíkurflugvöllur fjórði besti í Evrópu

Mynd: geishaboy500/Creative Commons

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …