Samfélagsmiðlar

Nærri fimmtíu ferðir á dag í júlí

Í júlí nær flugumferð til og frá landinu hámarki. Fimmtán félög bjóða þá upp á áætlunarferðir til útlanda.

Þeir sem ætla til útlanda í júlí geta valið úr 326 brottförum á viku eða 47 á dag frá Keflavík. Það eru fimmtán félög sem skipta þessum áætlunarferðum á milli sín. Icelandair er langstærst með 219 ferðir eða tvær af hverjum þremur samkvæmt talningu Túrista.

Um fimmtíu og fimm þúsund flugsæti verða í boði í hverji viku mánaðarins ef miðað er við meðalstærð farþegaþota.

Tveir nýliðar

Af þeim tólf erlendu félögum sem fljúga hingað í sumar hafa Vueling og Thomas Cook ekki áður lagt leið sína til Íslands. Það fyrrnefnda flýgur til Barcelona og Thomas Cook til Brussel. Erlendu fyrirtækin standa fyrir sjöttu hverji brottför. Flest þeirra fókusa á næturflug héðan en líkt og áður hefur komið fram hér á síðunni þá fjölgaði brottförum á fyrstu tímum sólarhringsins um nærri þriðjung í júlí í fyrra.

Wow fyllir næstum því skarð Iceland Express

Brottfarir á vegum Iceland Express voru 36 á viku í júlí í fyrra og á sama tíma fór Wow Air að jafnaði tuttugu ferðir. Næstkomandi júlí mun Wow fljúga frá Keflavíkurflugvelli fimmtíu sinnum á viku og vantar því aðeins sex ferðir til að fljúga jafn oft og félögin gerðu í sitthvoru lagi í fyrra. Hins vegar voru 180 sæti í leiguvélum Iceland Express en þau eru 168 hjá Wow. Framboð sameinaðs félags hefur því dregist saman um nærri 1440 sæti á viku yfir háannatímann. En Wow, eitt og sér, hefur aukið vægi sitt á Keflavíkurflugvelli úr 6,4 í 15,3 prósent.

Vægi fimm stærstu félaganna á Keflavíkurflugvelli í júlí nk.:

  1. Icelandair 67,2%
  2. Wow air 15,3%
  3. Airberlin 3,7%
  4. EasyJet: 2,5%
  5. Lufthansa: 2,2%

SMELLTU TIL AÐ SJÁ HVERJIR FLJÚGA HVERT Í SUMAR

TILBOÐ: Viltu frían morgunmat í Kaupmannahöfn?

Mynd: Isavia

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …