Ódýrasta farið út um páskana

Miðað við þau háu fargjöld sem eru í boði um páskana þá eru fá sæti eftir í vélunum sem halda af landi brott á fimmtudaginn. Túristi fann þó tvær ferðir sem eru í ódýrari kantinum.

Það eru sennilega margir sem væru til í að skreppa út yfir páskana. Gallinn er bara sá að farmiðar eru almennt mjög dýrir þegar bókað er með svona stuttum fyrirvara. Það er þó ljós í myrkrinu því það er hægt að komast til Írlands og Skotlands yfir hátíðirnar án þess þó að borga hátt í hundrað þúsund krónur fyrir skutlið yfir hafið. Svo heppilega vill líka til að bæði Dublin og Edinborg þykja með ódýrari ferðamannaborgum Evrópu og þar er ennþá hægt að finna ódýra gistingu.

Dublin

Heimaborg Guinness ölsins og popparanna í U2 hefur lengi lokkað til sín ferðalanga í leit að smá upplyftingu. Á fimmtudaginn fer vél á vegum ferðaskrifstofunnar Vita til Írlands og kostar farið 39.900 krónur. Heimferðin er fjórum dögum síðar.
Með hótelleitarvél Túrista geturðu fundið ódýra gistingu í Dublin um páskana.

Edinborg

Easy Jet fór sína fyrstu ferð milli Keflavíkur og höfuðborgar Skota á fimmtudaginn síðasta. Breska lággjaldaflugfélagið mun fljúga milli Íslands og Skotlands tvisvar á viku næstu mánuði og þeir sem bóka ferð til Edinborgar í dag og heim aftur mánudaginn 1. apríl fá sætin á 42.659 krónur. Lesendur Túrista fá 10% afslátt af gistingu í Edinborg (sjá hér).

NÝJAR GREINAR: Keflavíkurflugvöllur sá fjórði besti í Evrópu

Mynd: VisitScotland/ScottishViewpoint

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.