Samfélagsmiðlar

Vinsældir Berlínar dvína meðal Íslendinga

Þrátt fyrir fleiri ferðir héðan til höfuðborgar Þýskalands leggja færri leið sína þangað en áður. Almennt fjölgaði ferðamönnum þó í borginni.

Það voru fjögur félög sem flugu milli Keflavíkur og Berlínar í sumar.  Síðustu mánuði hefur Wow air flogið þangað tvisvar í viku en ekkert vetrarflug var í boði til borgarinnar í fyrra. Þrátt fyrir aukið framboð á flugsætum hefur heimsóknum Íslendinga til borgarinnar fækkað úr rúmlega níu þúsund niður í 7.671 samkvæmt tölum frá ferðamálaráði Berlínar. Það jafngildir 18 prósent minnkun. Þess ber þó að geta að árið 2011 fjölgaði komum íslenskra túrista í borginni um tvo þriðju.

Aðeins Grikkir drógu meira úr ferðum sínum en Íslendingar

Dramatísk saga, blómstrandi menning og hagstætt verðlag eru meðal þess sem laðar sífellt fleiri ferðamenn til Berlínar. Í fyrra jókst fjöldi gesta borgarinnar um tíu af hundraði. Á lista þeirra þrjátíu þjóða sem heimsækja Berlín oftast þá voru það aðeins Grikkir sem fækkuðu ferðum sínum til Berlínar meira en Íslendingar. En eins og vitað er þá hefur kanslari Þýskalands ekki verið hátt skrifaður meðal grísks almennings undanfarin misseri.

Banna orlofsíbúðir

Fjölmargir Berlínarbúar hafa leigt út íbúðir til ferðamanna síðustu ár. Það hefur hækkað almennt leiguverð í borginni og yfirvöld í nokkrum hverfum borgarinnar áforma að banna útleigu á almennu íbúðahúsnæði til ferðamanna. Lesendur Túrista geta þó enn fengið afslátt af ódýrum hótelíbúðum í borginni því þær eru staðsettar í Mitte hverfinu og þar verður áfram leyfilegt að leigja út íbúðir.

Fylgstu með Túrista á Facebook

VILTU FRÍTT FREYÐIVÍN UPP Á HERBERGI Í BERLÍN?

TENGDAR GREINAR: Júlía á heimavelli í BerlínFerðafrömuðir í Berlín fíla Bowie

Mynd: Germany.travel

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …