Samfélagsmiðlar

Auðveldar fólki að finna ódýra bílaleigubíla út um allan heim

Fyrir ári síðan fór í loftið íslensk heimasíða sem aðstoðar ferðamenn að finna hagstætt verð á bílaleigubílum út um víða veröld. Viðtökurnar hafa verið það góðar að síðan er nú aðgengileg á ellefu tungumálum. Það er Georg Haraldsson sem stendur að baki Bílaleigur.com.

Hver er hugmyndin að baki síðunni og hvernig hafa viðtökurnar verið?

Þegar við fjölskyldan bjuggum á Spáni leigðum við oft bíla fyrir okkur sjálf og gesti sem komu í heimsókn. Eftir að hafa leitað lengi á netinu að bókunarvél sem finnur bestu verðin hjá öllum þeim sem eru að leigja út bíla á viðkomandi stað, fundum við loks eina góða frá Írlandi. Eftir að hafa prófað og sannreynt gæði hennar og verð, ákváðum við að hafa samband við fyrirtækið sem rekur hana og sömdum um að þeir myndu sjá um bókunarvélina á nýrri íslenskri bílaleiguvefsíðu, Bílaleigur.com. Það var svo í mars á síðasta ári sem við opnuðum og þrátt fyrir að hafa ekkert auglýst í fjölmiðlum hafa viðtökur verið hreint út sagt ótrúlegar. Höfum við þar með fengið staðfestingu á því að góð vara og þjónusta auglýsi sig best sjálf með góðu umtali og ánægðum viðskiptavinum.

Hver er munurinn að bóka bílaleigubíl í gegnum síðuna þína en t.d. beint á heimasíðum Hertz og Avis?

Það sem okkar viðskiptavinir græða á því að bóka bílinn beint á Bílaleigur.com er fyrst og fremst betra verð, einfaldleiki og tímasparnaður. Þegar leitað er að bíl í leitarvélinni okkar finnum við bestu verðin hjá meira en 550 bílaleigufyrirtækjum á meira en 28 þúsund stöðum um allan heim. Þetta þýðir að staðbundnar bílaleigur, sem vegna smæðar sinnar eru ferðamönnum ekki kunnar, eiga jafna möguleika á að kynna sína bíla og verð eins og stóru leigurnar. Það er óneitanlega mikill tímasparnaður fólginn í því að geta farið á einn stað, fengið niðurstöður frá öllum bílaleigum á svæðinu og borið svo saman verðin.

Bílaleigur.com er hluti af alþjóðlegri bílabókunarvél sem semur beint við bílaleigurnar um kaup á tugmilljónum leigudaga á hverju ári. Slík magnkaup skila viðskiptavinum okkar hagstæðari verðum og oft á tíðum er meiri búnaði innifalinn í verðinu eða á betra verði, t.d. GPS leiðsögutæki, viðbótartryggingar o.fl.

Borgar sig að bóka bíl með löngum fyrirvara eða er nóg að ganga frá þessu hálfum mánuði fyrir fríið?

Þumalputtareglan er sú að best er að bóka bílaleigubílinn með löngum fyrirvara þegar framboðið er mest, enda verðlauna bílaleigurnar þá sem sýna forsjá með góðum verðum og fjölbreyttu úrvali til að tryggja bókunarstöðu sína fram í tímann. Á hinn bóginn lækka bílaleigurnar líka oft verðin á síðustu stundu til að forðast það að sitja uppi með óleigða bíla, en fjölbreytni bíla í boði gæti verið minni.

Áttu góð ráð til lækka leiguverðið? Borgar sig t.d. að leigja bíl í miðri viku frekar en um helgi?

Almennt er ódýrast að leigja bíla í miðri viku, sérstaklega á þriðjudegi til fimmtudags, með sem lengstum fyrirvara og yfir vetrartímann. Hafa skal í huga að það er oft dýrara að skila bílnum á öðrum stað en hann var sóttur á. Sérstaklega ef það er í öðru landi og best er að fara eftir fyrirmælum leigunnar hvort skila eigi bílnum með fullum tanki eða tómum. Athugaðu líka tryggingarnar sem fylgja kreditkortinu þínu. Þeir sem eru með platínukort þurfa t.d. ekki að bæta við neinum viðbótartryggingum, því allar líkur eru á að þær séu innifaldar í kortinu. Og að lokum, ef þú lendir í því að fá smávægilegar rispur á lakk bílsins er ágætis ráð að nudda þær með puttanum ásamt smá tannkremi og vatni.

Sjá heimasíðuna Bílaleigur.com

NÝJAR GREINAR: Endurunnin vesturbær

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …