Samfélagsmiðlar

Herskáir N-Kóreumenn valda íslenskum ferðamönnum áhyggjum

Þeim fer nú fjölgandi sem kjósa að láta utanríkisráðuneytið vita af ferðalögum sínum til Kóreuskagans og nágrennis.

Þegar ófremdarástand skapast í útlöndum hafa stjórnvöld hér á landi samband við þá íslensku ríkisborgara sem kunna að vera staddir á viðkomandi svæði. Það er þó ekki sjálfgefið að til séu upplýsingar um alla þá Íslendinga sem búa í útlöndum eða eru á ferðalagi þar sem hættan er. Á heimasíðu utanríkisráðuneytisins geta þeir sem eru á leiðinni út í lengri eða skemmri tíma skráð upplýsingar um ferðalög sín og þannig auðveldað starfsmönnum utanríkisþjónustunnar að hafa upp á sér ef nauðsyn krefur.

Samkvæmt upplýsingum frá borgaraþjónustu ráðuneytisins koma fleiri skráningar í þennan gagnagrunn þegar ófriðlega lítur út í einhverjum löndum. Þá hringir fólk í ráðuneytið til að afla sér upplýsinga og því er þá ráðlagt að skrá ferðaplön sín í grunninn. Þessa dagana eru það herskáar yfirlýsingar N-Kóreumanna sem valda ferðamönnum á leið til landanna í kring áhyggjum og hefur skráningum því fjölgað.

Ekki varað við Kóreuskaganum

Utanríkisráðuneyti nágrannalandanna gefa út viðvaranir vegna ferðalaga til ákveðinna svæða þegar ástæða þykir til. Ekkert landanna hefur ráðlagt þegnum sínum að halda sig fjarri Kóreuskaga en á vef breska utanríkisráðuneytisins eru þeir sem hyggjast heimsækja N-Kóreu beðnir um að skrá sig í breska sendiráðinu í höfuðborginni Pyongyang. Þar kemur þó fram að árlega heimsæki sárafáir breskir ferðamenn landið.

BÍLALEIGA: Hvað kostar að leigja bíl á Spáni í sumar?
HÓTEL: Gerðu verðsamanburð á hótelum út um allan heim

 

Mynd: michaeljesusday/Creative Commons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …