Samfélagsmiðlar

Hvað kostar að taka frá flugsæti?

Hjá meirihluta flugfélaganna sem fljúga héðan í sumar þarf að borga fyrir að taka frá ákveðið sæti.

Gluggasæti í fyrstu röð eru vinsælust og fæstir flugfarþegar vilja sitja í miðjunni. Þetta er meðal þess kom fram í könnun sem Easy Jet lét gera áður en félagið tók upp sérstakt sætisgjald í lok síðasta árs. Sá sem vill vera viss um að hann fái sæti á uppáhaldsstaðnum sínum og við hlið ferðafélaganna getur tekið frá sæti sér að kostnaðarlausu þegar farmiði er bókaður hjá félögum eins Delta, Icelandair, SAS og Lufthansa. Tíu af þeim fimmtán flugfélögum sem halda uppi millilandaflugi frá Keflavík taka hins vegar greiðslu fyrir þessa þjónustu og það getur verið erfitt fyrir þá sem ferðast með börn að komast hjá þessum aukagjöldum. Því fáir vilja taka áhættu á því að fjölskyldan sitji dreifð um flugvélina.

Rúmlega þrjú þúsund krónur, aðra leið

Hjá flestum félögunum eru sætin misdýr, þar sem fótaplássið er mest er verðið hæst. Þannig kosta dýrustu sætin hjá Airberlin 3.040 krónur (20 evrur) sem er hæsta gjaldið hér á landi samkvæmt athugun Túrista. Wow Air kemur þar á eftir með aukagjald upp á 2.990 krónur fyrir sætin með mesta plássið. Þau kostuðu hins vegar 1.490 krónur síðasta sumar og hafa því tvöfaldast í verði. Lægsta gjaldið er hjá Easy Jet eins og sjá má á töflunni hér fyrir neðan.

Mismunandi mikið rými

Þegar Wow Air hóf að selja farmiða í nóvember árið 2011 voru 168 sæti í Airbus A320 leiguvélum fyrirtækins, „rýmra verður um farþega en tíðkast hefur hjá lággjaldaflugfélögum“, stóð í tilkynningu félagsins að því tilefni. Fyrir tveimur vikum lét forstjóri félagsins hins vegar hafa það eftir sér á Vísi að með tilkomu nýrra Airbus A320 véla yrði sætisbilið aukið því sætunum yrði fækkað úr 180 í 174. Aðspurð um þetta ósamræmi segir Svanhvít Friðriksdóttir, upplýsingafulltrúi Wow Air, að félagið hafi fjölgað sætunum upp í 180 fyrir um tveimur mánuðum síðan en þeim hafi nú verið fækkað um sex.

Samkvæmt könnun sem Túristi gerði, í lok síðasta árs, á bilinu á milli sætaraða hjá flugfélögunum þá er þrengst hjá Transavia eða 71 cm. Farþegar Icelandair ganga að breiðasta bilinu vísu, 81 cm, en fótaplássið um borð í vélum Delta, SAS og WOW Air getur einnig verið svo langt (sjá nánar hér).

Verð á sætum þegar bókaður er flugmiði í ódýrasta verðflokki:

FélagSætisval
Airberlin1520 – 3040 kr.
Air GreenlandInnifalið
DeltaInnifalið
EasyJet608-2280 kr.
German Wings1216-2280 kr.
IcelandairInnifalið
LufthansaInnifalið
Fly Niki1520 – 3040 kr.
Norwegian1165 kr.
Primera Air1000-2500 kr.
SASInnifalið
Thomas Cook1520 kr.
Transavia1140-2280 kr.
Vueling760-2280 kr.
Wow Air990-2990 kr.

Verð erlendu félaganna eru umreiknuð í krónur m.v. gengið 25.apríl.

Fylgstu með Túrista á Facebook

HÓTEL: Gerðu verðsamanburð á hótelum
TILBOÐ: 10% afsláttur af gistingu í París

Mynd: Kristin S.Lillerud/Norwegian

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …