Fréttir

Íslenskar ferðarafbækur

29. apríl 2013

Nýlega komu út þrjár rafbækur sem eiga að gagnast íslenskum ferðalöngum.

Lykillinn að London og Vertu þín eigin ferðaskrifstofa nefnast nýjar rafbækur sem Margrét Gunnarsdóttir hefur tekið saman. Í fyrrnefndu bókinni er að finna margvíslegar upplýsingar um bresku höfuðborgina, t.d. um samgöngur innanbæjar, hugmyndir að göngutúrum og styttri ferðum út fyrir borgina. Sú síðari er skrifuð með þá í huga sem vilja skipuleggja utanlandsferðina sjálfir.

Margrét hefur einnig uppfært bækling sinn um íbúðaskipti en það er vafalítið nokkuð sem margir hafa áhuga á að prófa en vita ekki hvernig þeir eiga að taka fyrsta skrefið.

Rafbækurnar má nálgast á vef Margrétar, Ferdalangur.net

NÝJAR GREINAR: Hafðu þetta í huga áður en þú bókar hjá Ryanair – Hvað kostar að taka frá sæti?

Fréttir

Boða vantraust á umhverfisráðherrann

Afsláttur af metnaðarfullri loftslagsstefnu veldur pólitískri ókyrrð í Svíþjóð.

Fréttir

Frakkar reyna að hindra framgang kínverskra bílaframleiðenda

Frönsk stjórnvöld kynntu í vikunni reglur til að örva rafbílavæðinguna - án bíla frá Kína. Þetta er gert þrátt fyrir að evrópskir framleiðendur geti ekki svarað samkeppni frá Kína í framboði á ódýrari gerðum rafbíla.

Fréttir

Tvöfalt fleiri ferðir þó óseldu sætin hafi verið mörg í fyrra

Í janúar 2018 nýttu nærri 20 þúsund farþegar sér ferðir íslenskra flugfélaga frá Washington borg. Svo margir hafa þeir ekki verið fyrr né síðar á þessum tíma árs. Næstkomandi janúar eru Icelandair og Play með um 42 þúsund sæti á boðstólum.

Fréttir

Stefnuleysi og grænþvottur

„Ég sé ekki að nokkur skapaður hlutur sé að gerast. Hafnarmannvirki eru stækkuð til að taka á móti fleiri skemmtiferðaskipum og menn stæra sig af því að verið sé að tengja skipin við rafmagn í höfn. Þetta er að hluta til grænþvottur að mínu viti," segir Hörður Sigurbjarnarson hjá Norðursiglingu á Húsavík.

Fréttir

Meðal bestu flugfélaga heims að mati farþega

Icelandair hlaut í vikunni verðlaun sem veitt eru flugfélögum sem skara fram úr samkvæmt niðurstöðum könnunar sem framkvæmt er meðal farþega. Verðlaunin voru afhent á alþjóðlegri ráðstefnu APEX, Airline Passenger Experience Association. Icelandair er í flokki með níu öðrum flugfélögum í heiminum sem hljóta nafnbótina Five Star Major Airline samkvæmt því sem fram kemur í … Lesa meira

Fréttir

Ryanair ósátt við heimavöllinn

Felldar verða niður 17 áætlunarleiðir Ryanair frá flugvellinum í Dublin í vetur. Forráðamenn félagsins segja að meðal ástæðna séu þær að flugvöllurinn hafi enga umhverfisstefnu sem verðlauni þá sem menga minnst og að gjöld á farþega hafi verið hækkuð.

Fréttir

Áfram er Icelandair á niðurleið og bandarískir sjóðir losa sig við hlutabréf

Nú er að baki sumarvertíð sem var flugfélögum almennt mjög hagstæð. Gengi hlutabréfa Icelandair, sem og margra annarra flugfélaga, hefur engu að síður lækkað verulega að undanförnu.

Fréttir

Bretar stíga á bremsuna

Ákvörðun bresku ríkisstjórnarinnar um að seinka banni við sölu á nýjum bensín- og dísilbílum er harðlega gagnrýnd af bílaiðnaðinum sem vinnur að orkuskiptum og hefur fjárfest mikið í nauðsynlegum tæknibreytingum. Ákvörðunin er talin skapa ringulreið í iðnaðinum og meðal neytenda.