Samfélagsmiðlar

Bestu söfn í heimi

Blaðamenn The Times settu nýverið saman lista yfir þau söfn sem þeim þykja áhugaverðust. Hér eru þau sem voru í tíu efstu sætunum.

Arkitektar komast varla í hóp stjörnuarkitekta nema þeir hafi teiknað skrautlega safnabyggingu í miðbæ eða á gömlu hafnarsvæði. Ekkert þeirra safna sem kemst á lista ferðaskríbenta The Times í Bretlandi er hins vegar til húsa í byggingum sem þykja sérstaklega eftirtektaverðar.

Innihaldið skiptir því ennþá mestu máli og svo virðist sem Bretarnir séu ánægðir með heimahagana því söfn í London eru áberandi á listanum.

Hér eru þau sem komust á topp tíu hjá breska Tímanum yfir áhugaverðastu söfn í heimi.

1. Smithsonian í Washington DC

Nítján söfn, gallerí og dýragarður heyra undir Smithsonian stofnunina í höfuðborg Bandaríkjanna. Ekkert safn er eins stórt og að mati Bretanna þá er þetta líka besta safn í heimi. Aðgangur að langstærstum hluta Smithsonian er ókeypis og öfugt við mörg söfn þá er hér opið á mánudögum.

LESTU LÍKA: Sjá og gera í Washington

2. British Museum í London

Þegar Bretar réðu lögum og logum út um allan heim voru margir dýrgripir fluttir til Lundúna og marga þeirra má skoða á British Museum í dag.

3. Akrópólis-safnið í Aþenu

Safnið við Akrópólisarhæð hefur að geyma þá fornmuni sem fundist hafa á og við hæðina sjálfa.

4. Sir John Soane´s Museum í London

Fyrir dauða sinn árið 1837 hafði arkitektinn Sir John Soane komið því þannig fyrir að heimili hans yrði opnað almenningi. John var víst svekktur með syni sína og vildi ekki að þeir myndu erfa húsið né alla þá listmuni sem hann hafði sankað að sér í gegnum ævina.

5. American Museum for Natural History í New York

Stærsti safír í heimi er 563 karöt og sá er hér til sýnis ásamt steypireið í fullri stærð og risaeðlubeinum.

6. Imperial War Museum í London

Á Imperial War Museum verða gestirnir margs fróðari um þær styrjaldir sem Bretar hafa tekið þátt í.

7. Topkapi Palace Museum í Istanbúl

Soldánar Ottómanveldisins höfðu það feikigott eins og sjá má í höll þeirra í Istanbúl í dag.

8. Versalir við Versailles í Frakklandi

Margt af því fína sem tileyrði Lúðvík fjórtánda og hans fólki er enn að finna í þessu fræga slotti fyrir utan París.

9. Victoria & Albert Museum í London

Það er mælt með því að gestir þessa fimmtíu þúsund fermetra safns séu vel skóaðir enda þarf að ganga mikið ætli maður sér að skoða alla þá tíu þúsund muni sem þar er að finna.

10. Kínverska þjóðminjasafnið í Peking

Helstu fornminjar Kínverja eru á þjóðminjasafninu í höfuðborginni.

Meðal annarra safna á lista The Times eru Gyðingasafnið í Berlín, Vasasafnið í Stokkhólmi og Víkingaskipasafnið í Osló.

HÓTEL: Gerðu verðsamanburð og bókaðu ódýrasta hótelið

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …