Að jafnaði er flogið fimm sinnum á dag frá Keflavík til höfuðborgar Bretlands sem er aukning um eina ferð á dag frá síðasta sumri. Aukningin virðist hafa mikil áhrif á verðin.
Sá sem bókar í dag ferð til London í viku 32 (5. til 11. ágúst) borgar mun minna en farþegi sem var í sömu sporum fyrir ári síðan. Ódýrasta fargjald Easy Jet í þessari viku er núna 40.578 krónur en kostaði 16 þúsund krónum meira í fyrra. Lækkunin hjá breska félaginu nemur 28 prósentum. Hjá Icelandair og Wow Air er ódýrasta gjaldið í ár um fimmtungi lægra en í fyrra.
Félögin þrjú hafa öll fjölgað ferðum sínum til Lundúna og það kann að vera skýringin á þessari verðþróun. Þó ber að hafa í huga að ástæðan fyrir lágum fargjöldum Wow Air er sú að sérstök tilboðsverð félagsins, sem áttu að vera til sölu fram á hádegi í gær, eru ennþá bókanleg.
Í könnunum Túrista eru fundin ódýrustu fargjöldin, báðar leiðir, innan ákveðinnar viku og farangurs- og bókunargjöld eru tekin með í reikninginn.
Eins og sjá má á töflunni hér fyrir neðan eru ekki eins miklar sveiflur á fargjöldum til Kaupmannahafnar. Túristi kannaði ekki verð á farmiðum til Oslóar í fyrra og því er ekki til samanburður fyrir borgina.
Þróun fargjalda í viku 32 milli ára þegar bókað er með tólf vikna fyrirvara
5-11.ágú ’13 | 6-12.ágú ’12 | Breyting | |
London: | |||
Easy Jet | 40.578 kr. | 56.676 kr. | – 28% |
Icelandair | 43.279 kr. | 55.160 kr. | – 21,5% |
Wow Air | 30.173 kr. | 37.019 kr. | – 18,5% |
Kaupmannahöfn: | |||
Icelandair | 39.120 kr. | 43.150 kr. | – 9,3% |
Wow Air | 39.903 kr. | 39.820 kr. | +0,2% |
Osló: | |||
Icelandair | 48.370 kr. | – | – |
Norwegian | 44.121 kr. | – | – |
SAS | 45.496 kr. | – | – |
Á næstu síðu má sjá þróun verðgjalda í viku 24 (10. til 16. júní). Smelltu hér.