Íbúar Evrópu er líklegri en aðrir til að kaupa farmiða hjá lággjaldaflugfélagi. Hefðbundin flugfélög hafa enn tögl og haldir í Miðausturlöndum og Afríku.
Innan Evrópu ferðuðust 38 prósent flugfarþega með lággjaldaflugfélagi á síðasta ári. Hvergi annars staðar er hlutdeild þessara félaga jafn há samkvæmt úttekt bókunarfyrirtækisins Amadeus. Í Bandaríkjunum völdu þrír af hverjum tíu farþegum lággjaldaflugfélög og í öllum heimshlutum nema Mið- og Suður-Ameríku bættu þessi félög við sig milli ára eins og sjá má á töflunni hér fyrir neðan.
Samkvæmt talningu Túrista þá munu lággjaldaflugfélög standa fyrir fjórðu hverji brottför frá Keflavík í sumar. Hlutdeild þessara félaga er því töluvert lægra hér en gerist og gengur í Evrópu.
Staða þeirra er þó veik í Afríku en stofnandi Easy Jet, Stelios Haji-Ioannou, spreytir sig nú á þeim markaði með flugfélaginu Fast Jet.
Hlutdeild lággjaldaflugfélaga
Heimshluti | Hlutdeild 2011 | Hlutdeild 2012 | Breyting milli ára |
Evrópa | 36,5% | 38% | +1,5% |
Eyjaálfa | 35,5% | 36,6% | +1,1% |
N-Ameríka | 29,5% | 30,2% | +0,7% |
Mið- og S-Ameríka | 26,6% | 24,9% | -1,7% |
Asía | 16,5% | 18,6% | +2,1% |
Miðausturlönd | 11,7% | 13,5% | +1,8% |
Afríka | 9,4% | 9,9% | +0,5% |
HÓTEL: Finndu ódýrustu gistinguna hér
Mynd: Southwest