Samfélagsmiðlar

Flugrútan á sínum stað, alla vega fram á haust

Í byrjun árs var boðið út einkaleyfi á áætlunarferðum milli höfuðborgarsvæðisins og Keflavíkurflugvallar. Kærur tefja málið og farþegar verða því áfram að ganga langa leið til að komast í rútur á leið í bæinn.

Í vor átti að taka í gildi einkaleyfi á áætlunarferðum milli höfuðborgarsvæðisins og Keflavíkurflugvallar. Þar með yrði bundinn endi á þá samkeppni sem ríkt hefur á þessari leið undanfarið. En tvö fyrirtæki hafa sinnt akstrinum, Flugrútan á vegum Kynnisferða og Airport Express á vegum Allrahanda. Samband sveitarfélaga á Suðurnesjum (SSS) bauð verkið út í ársbyrjun en Kynnisferðir kærðu útboðið og er niðurstöðu Samkeppniseftirlitsins að vænta á næstunni. Framkvæmdastjóri SSS, Berglind Kristinsdóttir, segir í samtali við Túrista að hún eigi von óbreyttri stöðu fram á haust í það minnsta.

Rúturnar færðar burt frá flugstöðinni

Sá aðili sem hneppir einkaleyfi á akstrinum mun jafnframt fá sérstæði við komusal flugsstöðvarinnar. Allar aðrar rútur verða að bíða hinum megin við skammtímabílastæðin. Í dag er þetta sérstæði ekki í notkun sem þýðir að allir rútufarþegar þurfa að ganga yfir bílastæðin með farangurinn sinn hvernig sem viðrar.

Í fyrra nýttu um 400 þúsund farþegar sér áætlunarferðir til og frá Flugstöð Leifs Eiríkssonar samkvæmt því sem kemur fram í útboðsgögnum.

HÓTEL: Hér finnur þú ódýr hótel út um allan heim
NÝJAR GREINAR: Matador skemmtigarður í Danmörku

Mynd: Wikicommons

 

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …