Samfélagsmiðlar

Borgar sig að greiða aukalega fyrir ákveðið sæti?

Tíu af þeim fimmtán flugfélögum sem fljúga til og frá Keflavík í sumar bjóða farþegum að taka frá ákveðin sæti gegn greiðslu. Samkvæmt athugun Túrista eru fáir sem nýta sér þennan valkost hjá Wow Air en mun fleiri hjá Easy Jet.

Það vilja sennilega langflestir sitja við hlið förunauta sinna í flugi. Sérstaklega þeir sem ferðast með börn. Tíu af þeim fimmtán flugfélögum sem fljúga til og frá Keflavík í sumar rukka farþegana fyrir sætisval. Verðið er á bilinu 600 til 3000 krónur, fyrir aðra leiðina, líkt og kom fram nýlegri verðkönnun Túrista.

Það bætast því nokkur þúsund krónur við fargjald fjölskyldu sem vill vera örugg með að sitja saman. Samkvæmt athugun sem Túristi hefur gert síðustu átta daga þá voru að jafnaði átta af hverjum tíu sætum í vélum Easy Jet frátekin daginn fyrir brottför. Hjá Wow Air var hlutfallið 13,5 prósent. Í könnuninni voru aðeins skoðuð flug frá Keflavík til Lundúna. Af niðurstöðum könnunarinnar að dæma þá eru farþegar Easy Jet mun líklegri til að taka frá sæti en þeir sem fljúga með Wow Air.

Ekki á vísan að róa

Á heimasíðu Easy Jet kemur fram að ávallt sé reynt að láta farþega með sama bókunarnúmer sitja saman. En miðað við hversu mörg sæti voru frátekin síðustu daga er ekki víst að það takist öllum tilvikum. Hjá Svanhvíti Friðriksdóttur, upplýsingafulltrúa Wow Air, fengust þær upplýsingar að það geti komið fyrir að sætum hafi verið úthlutað áður en innritun hefst. Í þeim tilfellum sé ekki öruggt að fólk fái sæti við hlið ferðafélaganna. Hún mælir því með að fólk sem ferðast með börn taki frá sæti. Fjögurra manna fjölskylda sem pantar venjuleg sæti hjá Wow Air greiðir samtals 7.920 krónur aukalega fyrir báðar leiðir.

Milljónatekjur

Miðað við hvað það kostar að nýta sér þessa þjónustu og það hlutfall farþega sem tekur frá sæti má búast við að félögin þéni að lágmarki um 30 þúsund krónur á sætisvalinu í hverju flugi. Á fyrri hluti mánaðarins fór Wow Air 174 ferðir og út frá því má áætla að tekjur félagsins af þessari þjónustu í júní verði að lágmarki um tíu milljónir.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …